Kinozalda "limitsiz popkorn" elan edildi - maraqlı anlar yaşandı

Bir kinozalda edilən "limitsiz popkorn" elanından sonra qeyri-adi və maraqlı görüntülər ortaya çıxıb.

Sonxeber.az xəbər verir ki, elanın verilməsindən dərhal sonra tamaşaçılardan biri diqqətçəkən addım atıb.

Belə ki, sözügedən şəxs özü ilə gətirdiyi böyük ölçülü qabla kassaya yaxınlaşıb və qabın içini ağzınadək popkornla doldurub. Hadisə həm kinozal əməkdaşları, həm də digər izləyicilər arasında təəccüb və gülüş doğurub.

Sosial şəbəkələrdə sürətlə yayılan görüntülər istifadəçilər tərəfindən maraqla qarşılanıb. Bəzi istifadəçilər bunu yaradıcı yanaşma kimi qiymətləndirərkən, digərləri isə belə kampaniyaların gözlənilməz nəticələrə səbəb ola biləcəyini qeyd ediblər.

Qeyd edək ki, son dövrlərdə kinoteatrlar tamaşaçı cəlb etmək üçün müxtəlif kampaniyalar həyata keçirir və "limitsiz popkorn" kimi təkliflər də bu təşəbbüslər sırasına daxildir.

Telegramda izləyin