Məsciddə "körpə şənliyi" təşkil etdilər - VİDEO

Türkiyənin Kocaeli vilayətinin Gölcük rayonunda yerləşən məscidlərdən birində təşkil edilən dəbdəbəli "körpə şənliyi" sosial şəbəkələrdə ciddi narazılığa səbəb olub.

Sonxeber.az türk mediasına istinadən xəbər verir ki, məscidin əsas ibadət zalında qurulan neon yazılar, güllərlə bəzədilmiş dekorasiyalar və bəzəkli uşaq beşiklərinin yer aldığı görüntülər qısa müddətdə gündəm olub. İbadət məkanında bu cür tədbirin keçirilməsi bir çox vətəndaş tərəfindən məscidin mənəvi ruhuna zidd hesab edilib.

Sosial media istifadəçiləri ibadət yerlərinin bu cür məqsədlər üçün istifadə olunmasına etiraz edərək Türkiyə Dini İşlər Başqanlığını məsələ ilə bağlı tədbir görməyə çağırıblar.

Telegramda izləyin