Anasını döyən şəxs həbs edildi

Türkiyənin Sakarya vilayətinin Kaynarca rayonunda anasını döydüyü iddia edilən 38 yaşlı şəxs həbs olunaraq istintaq təcridxanasına göndərilib.

Sonxeber.az türk mediasına istinadən xəbər verir ki, hadisə rayonun Uzunalan məhəlləsində baş verib. Məlumata görə, səhər saat 05:00 radələrində S.A. adlı şəxs evdə anası A.A. ilə mübahisə edib. Mübahisənin gərginləşməsi nəticəsində o, anasını fiziki zorakılığa məruz qoyub.

Ətrafdakı sakinlərin məlumatı əsasında hadisə yerinə gələn jandarma əməkdaşları şübhəlini saxlayaraq bölməyə aparıblar. Faktla bağlı araşdırma Kaynarca Rayon Prokurorluğunun nəzarəti ilə aparılıb.

İstintaq hərəkətləri başa çatdıqdan sonra məhkəməyə çıxarılan S.A. hakim qarşısına çıxarılıb. O, qəsdən sağlamlığa zərər vurma maddəsi ilə təqsirli bilinərək barəsində həbs qətimkan tədbiri seçilib və istintaq təcridxanasına göndərilib.

Telegramda izləyin