Metroda intihar cəhdi: vətəndaşlar faciənin qarşısını aldı - VİDEO

İstanbulun Kadıköy metro stansiyasında baş verən hadisə qısa müddətdə təşvişə səbəb olub.

Sonxeber.az türk mediasına istinadən xəbər verir ki, bir nəfərin özünü relslərə atıb intihara cəhd etməsi ətrafdakı sərnişinlərin diqqəti sayəsində faciə ilə nəticələnməyib.

Hadisə ilə bağlı əldə olunan məlumata görə, şəxsiyyəti hələ müəyyənləşdirilməyən bir kişi Kadıköy metro stansiyasında relslərə tullanıb. Xoşbəxtlikdən, həmin an qatarın stansiyaya daxil olmaması mümkün faciənin qarşısını alıb.

Vəziyyəti dərhal fərq edən vətəndaşlar vaxt itirmədən relslərə enərək intihar cəhdində olan şəxsi perona çıxarıblar. Onların operativ müdaxiləsi nəticəsində insan həyatı xilas edilib.

Baş verənlər ətrafda olan şəxslərin mobil telefon kamerası ilə qeydə alınıb. Kadrlarda vətəndaşların birlikdə hərəkət edərək həmin şəxsi xilas etməsi aydın şəkildə görünür.

Telegramda izləyin