Velizar izlənmə sirrini açıqladı - "Canlı yayım başlayanda .. "

TikTok fenomeni Velizar izlənmə sirrini açıqladı - "Canlı yayım başlayanda tam başqa insana çevrilirəm"
Son dövrlərdə TikTok platformasında diqqət çəkən yayımlardan biri də "Velizar" istifadəçi adı ilə tanınan Salman Məmmədova məxsusdur. Qısa müddətdə böyük izləyici kütləsi toplamağı bacaran fenomen, paylaşdığı videolardan birində canlı yayımlarının bu qədər izlənməsinin səbəblərindən danışıb.
Salman Məmmədov bildirib ki, sosial mediaya ilk addımlarını TikTok ilə yox, fərqli canlı yayım platformalarında atıb. Onun sözlərinə görə, xüsusilə Türkiyə və xaricdə böyük auditoriyası formalaşıb və minlərlə türk izləyici uzun müddətdir onu izləməyə davam edir.
Bir müddət xaricdə yaşayan və fəaliyyət göstərən fenomen daha sonra yenidən Azərbaycana qayıdıb. O, keçirdiyi əməliyyatlar və şəxsi səbəblərdən dolayı yayımlarına ara verdiyini, lakin geri dönüş etdikdən sonra Azərbaycan auditoriyasının ona böyük maraq göstərdiyini qeyd edib.
Velizarın sözlərinə görə, izlənmə saylarının əsas səbəbi insanların onu "rol oynayan" yayımlardan fərqli olaraq daha səmimi görməsidir.
"İnsanlar məni professional studiya və bahalı avadanlıqlara görə yox, olduğum kimi davrandığıma görə sevirlər. Mən yayımda özümü gizlətmirəm," - deyə Salman Məmmədov bildirib.
Fenomen əlavə edib ki, yayımlarında bir saniyə belə dayanmağa çalışmır və əsas məqsədi insanların sıxılmamasıdır. O, efirlər zamanı davamlı danışdığını, zarafat etdiyini və pozitiv enerji verməyə çalışdığını vurğulayıb.
Onun sözlərinə görə, canlı yayım açmazdan əvvəl necə hiss etməsinin fərqi yoxdur:
"O günüm pis də keçə bilər. Amma ‘canlı yayımı başlat’ düyməsini sıxan kimi üz cizgilərim dəyişir. Özümü sanki film ulduzu kimi aparmağa başlayıram."
İzləyicilər isə sosial şəbəkələrdə Velizarın məhz bu təbii davranışını onun əsas fərqi kimi göstərirlər. Bir çox istifadəçi onun yayımlarının "süni olmadığını" və ekranda özünü məcbur etmədən davrandığını qeyd edir.
Son aylarda Azərbaycan TikTok məkanında adından daha çox söz etdirən Salman Məmmədovun gələcək layihələri və fərqli formatlarda yayımları isə izləyicilər tərəfindən maraqla gözlənilir.

Telegramda izləyin