Torpaq mübahisəsi qanlı sonluqla nəticələndi: qardaş qardaşını öldürdü - VİDEO

Türkiyənin Diyarbəkir vilayətinin Ergani rayonunda torpaq üstündə yaranan ailədaxili mübahisə silahlı hücumla nəticələnib.

Sonxeber.az xarici mediaya istinadla xəbər verir ki, hadisə Çukurdere məhəlləsində baş verib. İddialara görə, uzun müddətdir davam edən torpaq mübahisəsi səbəbindən Z.Ş. qardaşı Hüseyn Şenolun idarə etdiyi avtomobilin qarşısını kəsərək ona atəş açıb.

Nəticədə Hüseyn Şenol hadisə yerində həyatını itirib. Avtomobildə olan həyat yoldaşı ağır, oğlu isə yüngül xəsarət alıb. Yaralılar xəstəxanaya çatdırılıb, Şenolun meyiti isə ekspertiza üçün morqa aparılıb.

Hadisədən sonra qaçan şübhəlilərin saxlanılması üçün əməliyyat keçirən jandarma əməkdaşları 4 nəfəri, o cümlədən cinayəti törətməkdə şübhəli bilinən 59 yaşlı Z.Ş.-ni saxlayıblar.

Faktla bağlı araşdırma davam etdirilir.

Telegramda izləyin