Tramp: "Xamanei danışıqlarda iştirak edir"

ABŞ və İran arasında aparılan danışıqların sürətlə irəlilədiyi bildirilir.

Bu barədə Sonxeber.az xarici mediaya istinadla xəbər verir.

ABŞ Prezidenti Donald Tramp "New York Post"a müsahibəsində Vaşinqtonla Tehran arasında mümkün razılaşmanın yaxın olduğunu deyib. Onun sözlərinə görə, İran nüvə silahı istehsalından imtina etməyə razılıq verib və bu anlaşma bir sıra müsbət dəyişikliklərə yol aça bilər.

Tramp həmçinin İran rəhbərliyinin danışıqlarda rol oynadığını qeyd edib və tərəflər arasında əldə edilə biləcək razılaşma çərçivəsində müəyyən məsələlərin müzakirə olunduğunu bildirib.

Bununla yanaşı, bölgədə gərginlik də davam edir. Son aylarda İsrail və İran arasında qarşılıqlı hücumlar, raket zərbələri və regional gərginlik fonunda bir sıra ölkələrdə təhlükəsizlik tədbirləri gücləndirilib, hava məkanları isə müvəqqəti bağlanıb.

Diplomatik prosesin davam etdiyi, lakin hələlik yekun razılaşmanın əldə olunmadığı bildirilir.

Telegramda izləyin