Metroda öldürülən gəncin görüntüləri ortaya çıxdı - VİDEO

İstanbulun Esenyurt rayonunda nişanlısı və qayınanası ilə səhər yeməyinə gedən 22 yaşlı gənc "yan baxma" mübahisəsi zəminində bıçaqlanaraq həyatını itirib.

Sonxeber.az xarici mediaya istinadla xəbər verir ki, hadisə ötən gün Esenyurtun Mevlana məhəlləsində, Marmara Park Ticarət Mərkəzinin qarşısındakı metro dayanacağının çıxışında baş verib. Məlumata görə, evlilik hazırlığında olan Ferdi Aras nişanlısı və qayınanası ilə birlikdə səhər yeməyinə gedərkən naməlum şəxslə arasında "yan baxdın" səbəbindən mübahisə yaranıb.

Mübahisə qısa zamanda davaya çevrilib və qarşı tərəf 22 yaşlı gənci bıçaqlayaraq hadisə yerindən qaçıb. Ağır yaralanan Ferdi Aras qan içində yerə yıxılıb. O, xəstəxanaya çatdırılsa da, həkimlərin bütün səylərinə baxmayaraq həyatını xilas etmək mümkün olmayıb.

Hadisədən sonra gəncin qanlar içində yerdə uzandığı anları əks etdirən görüntülər ortaya çıxıb. Kadrlarda iki vətəndaşın qanaxmanı dayandırmaq üçün yaraya parça ilə müdaxilə etdiyi, Ferdi Arasın isə hərəkətsiz vəziyyətdə uzandığı görünür.

Faktla bağlı araşdırma aparılır.

Telegramda izləyin