19 yaşlı gənc qadına cinsi hücum: Şübhəlilər saxlanılıb

İngiltərənin Telford şəhərində 19 yaşlı gənc qadın yol keçidi yaxınlığında cinsi hücuma məruz qalıb. Hadisə mayın 28-də Oakengates bölgəsində, Laburnum Road və Stafford Road yaxınlığında baş verib.

Sonxeber.az xarici mediaya istinadal xəbər verir ki, qadın hücum edən şəxsə müqavimət göstərərək hadisə yerindən qaça bilib. Şübhəlinin daha sonra Trench istiqamətində ərazidən uzaqlaşdığı bildirilib. Onun ağdərili, təxminən 1,75 metr boyunda və orta bədən quruluşlu kişi olduğu açıqlanıb.

Hadisə ilə bağlı aparılan araşdırma çərçivəsində 23 və 33 yaşlı iki nəfər saxlanılıb. Lakin onlar sonradan zaminlik əsasında sərbəst buraxılıblar. İstintaq davam edir.

İstintaqa rəhbərlik edən müfəttiş Danielle Logan bildirib ki, hadisə bölgədə narahatlıq yaradıb və polis əməkdaşları araşdırmaları davam etdirirlər. Hüquq-mühafizə orqanları hadisə ilə bağlı məlumatı olan şəxsləri polisə müraciət etməyə çağırıb.

Telegramda izləyin