Bayrağa hörmət nümunəsi: Vətəndaşlardan təqdirəlayiq addım - VİDEO

Türkiyənin Hatay vilayətinin Dörtyol rayonunda güclü küləyin təsiri ilə bayraq dirəyində dalğalanan Türkiyə bayrağının ipi qırılıb və bayraq yerə düşüb.

Sonxeber.az türk mediasına istinadən xəbər verir ki, hadisəni görən vətəndaşlar dərhal bayrağı yerdən götürərək ehtiramla qatlayıblar. Daha sonra bayraq aidiyyəti üzrə təhlükəsizlik əməkdaşlarına təhvil verilib.

Məlumata görə, hadisədən sonra bələdiyyə əməkdaşları əraziyə gələrək bayrağı yenidən dirəyə qaldırıblar. Vətəndaşların həssas və məsuliyyətli davranışı ətrafdakı şəxslər tərəfindən təqdirlə qarşılanıb.

Hadisə zamanı hər hansı xəsarət və ya maddi ziyan qeydə alınmayıb. Yerli sakinlər dövlət rəmzlərinə göstərilən hörmətin vacibliyini vurğulayaraq, bayrağın qorunması üçün nümayiş etdirilən həmrəyliyi yüksək qiymətləndiriblər.

Telegramda izləyin