Film səhnələrini xatırladan oğurluq: bankomatı divardan söküb qaçdılar - VİDEO

İngiltərədə baş verən cəsarətli oğurluq hadisəsi təhlükəsizlik qüvvələrini hərəkətə keçirib.

Sonxeber.az xarici mediaya istinadən xəbər verir ki, üzlərini maska ilə gizlədən naməlum şəxslər oğurlanmış iş maşınından istifadə edərək bank binasının xarici hissəsinə zərbə vurub və bankomatı divardan qoparıblar.

Şahidlərin sözlərinə görə, içərisində on minlərlə funt-sterlinq olduğu bildirilən bankomat daha sonra nəqliyyat vasitəsinə yüklənib. Şübhəlilər hadisəni qısa müddətdə həyata keçirərək ərazidən uzaqlaşıblar.

Hadisə yerinə cəlb olunan polis əməkdaşları genişmiqyaslı əməliyyat-axtarış tədbirlərinə başlayıb. Təhlükəsizlik kameralarının görüntüləri araşdırılır, şübhəlilərin şəxsiyyətinin müəyyənləşdirilməsi istiqamətində iş aparılır.

Hadisə yerində maddi ziyanın həcmi və oğurlanan vəsaitin dəqiq məbləği araşdırma nəticəsində məlum olacaq.

Telegramda izləyin