Yeni evli qadın evində ölü tapıldı: "Ana, sənə layiq ola bilmədim" - VİDEO

İstanbulun Kağıthane rayonunda 26 yaşlı Sevil Yengeç D. yaşadığı evdə ölü vəziyyətdə tapılıb.

Sonxeber.az xarici mediaya istinadla xəbər verir ki, hadisədən bir gün əvvəl qadın həyat yoldaşı və anası ilə birlikdə evdə vaxt keçirib. Anası evdən ayrıldıqdan sonra cütlük yatıb. Səhər oyanan həyat yoldaşı Furkan D. isə Sevili yataqda görməyib. Ona səslənsə də cavab ala bilməyən kişi salona keçərək qadını huşsuz vəziyyətdə aşkarlayıb və təcili tibbi yardım çağırıb.

Hadisə yerinə gələn tibb işçiləri gənc qadının həyatını itirdiyini müəyyən ediblər. Mənzildə aparılan baxış zamanı "Ana, sənə layiq ola bilmədim" sözləri yazılmış qeyd tapılıb.

Mərhumun meyiti ölüm səbəbinin dəqiqləşdirilməsi üçün məhkəmə-tibbi ekspertizaya göndərilib. Polis hadisə ilə bağlı araşdırma aparır. Həyat yoldaşının isə məlumat sahibi qismində ifadəsi alınıb. O, ifadəsində aralarında hər hansı münaqişə olmadığını bildirib.

Telegramda izləyin