Gecə üzmək istədi, dron qarşısını aldı - VİDEO

Çinin Sindao (Qingdao) şəhərində gecə üzgüçülüyün qadağan olunduğu ərazidə dənizə daxil olan bir nəfər təhlükəsizlik qüvvələrinin istifadə etdiyi səsucaldıcılı dron tərəfindən aşkar edilərək sudan çıxarılıb.

Sonxeber.az xarici mediaya istinadən xəbər verir ki, hadisə zamanı həmin şəxsə havadan yaxınlaşan pilotsuz uçuş aparatı üzərindəki səs sistemi vasitəsilə dəfələrlə xəbərdarlıq edib və dərhal sahilə qayıtması tələb olunub. Dronun müşayiəti altında üzgüçü təhlükəsiz şəkildə sahilə çıxıb.

Yerli hakimiyyət orqanlarının məlumatına görə, bu cür texnoloji nəzarət tədbirləri gecə saatlarında baş verə biləcək boğulma və digər bədbəxt hadisələrin qarşısını almaq məqsədi daşıyır. Xüsusilə görünüş məsafəsinin zəif olduğu vaxtlarda sahilboyu ərazilər mütəmadi olaraq dronlarla yoxlanılır.

Qeyd edək ki, Çində ictimai təhlükəsizliyin təmin olunması məqsədilə pilotsuz uçuş aparatlarından geniş istifadə olunur. Dronlar təkcə qayda pozuntularının aşkarlanması deyil, həm də fövqəladə hallara operativ reaksiya və vətəndaşların təhlükəsizliyinin təmin edilməsində mühüm rol oynayır.

Telegramda izləyin