Sosial mediada məşhur olmaq istədi, həyatını itirdi - VİDEO

Sosial mediada daha çox izlənmə və bəyənmə toplamaq cəhdi daha bir faciə ilə nəticələnib.

Sonxeber.az xarici mediaya istinadən xəbər verir ki, iddialara görə, gənc sosial şəbəkə üçün görüntü çəkmək məqsədilə ikinci mərtəbədəki balkondan həyətdəki kiçik hovuza tullanmağa çalışıb. Lakin məsafəni düzgün hesablaya bilməyən gənc beton səthə sərt şəkildə düşüb.

Ağır xəsarətlərlə xəstəxanaya çatdırılan şəxsin onurğasının və qabırğalarının sındığı bildirilib. Həkimlərin bütün səylərinə baxmayaraq, onun həyatını xilas etmək mümkün olmayıb.

Hadisə anı saniyə-saniyə kameraya düşüb. Görüntülər sosial şəbəkələrdə yayılaraq təhlükəli görüntülər çəkərək izlənmə toplamağın yarada biləcəyi riskləri yenidən gündəmə gətirib.

Telegramda izləyin