Azərbaycanın istəyi ilə İrəvandakı görüş təxirə salındı - Səbəb bu imiş

Azərbaycanlı və erməni ekspertlərin "Sülh körpüsü" təşəbbüsü çərçivəsində bu günlərdə İrəvanda keçirilməsi planlaşdırılan görüşü təxirə salınıb.

Sonxeber.az APA-ya istinadən xəbər verir ki, görüş Azərbaycan tərəfinin istəyi ilə təxirə salınıb.

Belə ki, Azərbaycan tərəfi hazırkı mərhələdə görüşün keçirilməsini məqsədəuyğun hesab etmir.

***

"Minval Politika"nın əldə etdiyi məlumata görə, görüşün ləğv edilməsi barədə qərarın səbəbi Ermənistan cəmiyyətində Azərbaycana qarşı yaranmış vəziyyətdir. Belə ki, son günlərdə Azərbaycana qarşı genişmiqyaslı informasiya kampaniyası başladılıb və bu prosesı xarici lobbi və ekspert dairələri cəlb olunub:

"Əldə etdiyimiz məlumata görə, Bakıda hesab edirlər ki, Azərbaycana qarşı ərazi iddiaları və onun suverenliyi barədə məsələlərə qarışmaq cəhdləri Ermənistanın dövlət strukturları tərəfindən ciddi şəkildə dəstəklənir. Başqa sözlə desək, sahib olduğumuz məlumatlara əsasən, bu hücumların arxasında Ermənistan rəhbərliyi dayanır".

Bildirilib ki, bu halda Azərbaycan Ermənistanda növbəti görüşün keçirilməsini məqsədəuyğun hesab etməyib və onu təxirə salmaq qərarını verib.

Telegramda izləyin