Xınalıqda müəllim vəfat etdi

Uzun illər Azərbaycanın ən ucqar və qədim yaşayış məskənlərindən olan Qubanın Xınalıq kənd orta məktəbinin direktoru və müəllimi işləmiş Ənvər Hacıməmmədov vəfat edib.

"Qafqazinfo" xəbər verir ki, bu barədə onun yaxınları məlumat paylaşıblar.

Ə.Hacıməmmədov bu gün xəstəlik səbəbindən ölüb.

Qeyd edək ki, Xınalıq kənd internat tam orta məktəbində uzun müddət müəllim çatışmazlığı olub və təhsil müəssisəsində 3-4 müəllim çalışıb. Ənvər Hacıməmmədov 2017-ci ilədək bu məktəbə rəhbərlik etməklə yanaşı, müəllimlik də edib və həmin il yaş həddi ilə əlaqədar pensiyaya çıxıb.

Telegramda izləyin