Avropada media qurumlarına bomba təhdidləri göndərildi: İrlandiyada televiziya və radio ofisləri boşaldılıb

İrlandiyada bir sıra media qurumlarının ofislərinə bomba təhdidləri göndərilib. Təhlükəsizlik tədbirləri çərçivəsində ölkənin milli yayımçısı RTE-də daxil olmaqla bir neçə media təşkilatının əməkdaşları binalardan təxliyə edilib.

Sonxeber.az Reuters-ə istinadən xəbər verir ki, təhdidlərdən sonra İrlandiyanın müxtəlif media qurumlarında təhlükəsizlik yoxlamalarına başlanılıb.

Məlumata əsasən, təhdidlərdən biri Newstalk radio stansiyasının əməkdaşlarına ünvanlanıb. Radio aparıcısı sonradan həmin xəbərdarlığın saxta olduğunun müəyyən edildiyini bildirib.

Hadisələr Avropanın bir sıra ölkələrində hava limanlarına və nəqliyyat vasitələrinə qarşı bomba təhdidlərinin qeydə alındığı bir vaxta təsadüf edib.

Qeyd edək ki, son günlər Avropada baş verən oxşar insidentlər təhlükəsizlik qurumlarının diqqətini artırıb. Hücumların və təhdidlərin arxasında kimin dayandığı hələlik məlum deyil.

Müəllif: İlkin Məmmədkərimov

Telegramda izləyin