Azərbaycan-Böyük Britaniya strateji tərəfdaşlığı qarşılıqlı etimada və ortaq maraqlara əsaslanır

Azərbaycan-Böyük Britaniya strateji tərəfdaşlığı qarşılıqlı etimada və ortaq maraqlara əsaslanırPrezident İlham Əliyevin həyata keçirdiyi məqsədyönlü və praqmatik xarici siyasət ölkəmizin beynəlxalq mövqeyinin möhkəmləndirilməsinə, aparıcı dövlətlərlə qarşılıqlı faydalı münasibətlərin genişləndirilməsinə mühüm töhfə verir. Azərbaycanın müxtəlif geosiyasi və iqtisadi mərkəzlərlə qurduğu tərəfdaşlıq əlaqələri beynəlxalq nüfuzunu artırmaqla yanaşı, regional və qlobal proseslərdə rolunu da gücləndirir. Bu baxımdan, Azərbaycan ilə Böyük Britaniya və Şimali İrlandiya Birləşmiş Krallığı arasında imzalanmış Strateji Tərəfdaşlıq haqqında Birgə Bəyannamə ikitərəfli münasibətlərin yeni mərhələyə yüksəldiyini göstərən mühüm siyasi hadisədir.
Noyabrın 12-də Dublin şəhərində Azərbaycan Prezidenti İlham Əliyev və Böyük Britaniya və və Şimali İrlandiya Birləşmiş Krallığının Baş naziri Endi Börnhem tərəfindən imzalanan sənəd uzun illər ərzində formalaşmış dostluq və əməkdaşlıq münasibətlərinin məntiqi davamı olmaqla, gələcək tərəfdaşlığın əsas istiqamətlərini müəyyənləşdirir.
Azərbaycan-Böyük Britaniya münasibətlərinin möhkəm tarixi təməlləri mövcuddur. 1994-cü il fevralın 23-də imzalanmış Dostluq və Əməkdaşlıq haqqında Birgə Bəyannamə, 1998-ci il iyulun 21-də qəbul edilmiş Dostluq Münasibətləri və Tərəfdaşlıq haqqında Birgə Bəyannamə ikitərəfli əlaqələrin hüquqi-siyasi əsaslarını formalaşdırıb. Xüsusilə enerji sektorunda qurulmuş əməkdaşlıq Azərbaycanın beynəlxalq iqtisadi əlaqələrinin genişlənməsinə və xarici investisiyaların cəlb edilməsinə mühüm töhfə verib. Bu gün münasibətlər ənənəvi enerji əməkdaşlığını aşaraq təhlükəsizlik, nəqliyyat, maliyyə, təhsil, elm və texnologiya sahələrini də əhatə edir.
Yeni Bəyannamənin mühüm siyasi məqamlarından biri beynəlxalq hüququn fundamental prinsiplərinə, dövlətlərin suverenliyinə, müstəqilliyinə və ərazi bütövlüyünə hörmətin təsdiqlənməsidir. Azərbaycanın ərazi bütövlüyünü və dövlət suverenliyini tam bərpa etməsi Cənubi Qafqazda yeni geosiyasi reallıqlar yaradıb. Sənəddə 2025-ci il avqustun 8-də Vaşinqtonda əldə olunmuş razılaşmaların əhəmiyyətinin vurğulanması və Azərbaycan-Ermənistan münasibətlərinin normallaşdırılması istiqamətində səylərin dəstəklənməsi ölkəmizin sülh gündəliyinin beynəlxalq səviyyədə əhəmiyyətini nümayiş etdirir. Regionda davamlı sülhün təmin olunması qarşılıqlı suverenliyə hörmət, iqtisadi inteqrasiya və nəqliyyat-kommunikasiya əlaqələrinin inkişafı üçün mühüm zəmin yaradır.
Strateji Tərəfdaşlıq haqqında Birgə Bəyannamədə müdafiə və təhlükəsizlik sahəsində əməkdaşlığın genişləndirilməsi də xüsusi yer tutur. Müdafiə potensialının inkişafı, təlim və kadr hazırlığı, müdafiə sənayesi üzrə birgə təşəbbüslər, hüquq-mühafizə orqanları arasında əlaqələrin gücləndirilməsi müasir təhlükəsizlik çağırışlarına birgə cavab verilməsi baxımından əhəmiyyətlidir. Bu əməkdaşlıq Azərbaycanın institusional potensialının və təhlükəsizlik sisteminin təkmilləşdirilməsinə də töhfə verəcəkdir.
İqtisadiyyat, ticarət və investisiya sahəsində əməkdaşlığın genişləndirilməsi sənədin əsas istiqamətlərindəndir. Böyük Britaniyanın Azərbaycanın ən iri Avropa investorlarından biri olması iki ölkə arasında iqtisadi münasibətlərin möhkəm əsaslara söykəndiyini təsdiqləyir. Bərpaolunan enerji, infrastruktur, maliyyə, xidmətlər və innovasiya sahələrində yeni layihələrin həyata keçirilməsi qarşılıqlı investisiya imkanlarını genişləndirməklə yanaşı, iqtisadiyyatın şaxələndirilməsinə də xidmət edəcəkdir.
Sənəddə Orta Dəhlizin inkişafına xüsusi əhəmiyyət verilməsi Azərbaycanın beynəlxalq nəqliyyat-logistika sistemində artan rolunun göstəricisidir. Şərqlə Qərbi birləşdirən bu marşrut beynəlxalq ticarətin genişlənməsi və yükdaşımaların səmərəliliyinin artırılması baxımından strateji əhəmiyyət daşıyır. Azərbaycanın müasir nəqliyyat infrastrukturu və tranzit imkanları ilə Böyük Britaniyanın iqtisadi və texnoloji təcrübəsinin uzlaşdırılması yeni əməkdaşlıq perspektivləri yaradır.
Enerji sahəsində tərəfdaşlığın yeni istiqamətləri də təqdirəlayiqdir. Ənənəvi enerji əməkdaşlığının bərpaolunan enerji, yaşıl maliyyələşdirmə və aşağı karbonlu texnologiyalarla tamamlanması müasir dövrün tələblərinə uyğundur. Azərbaycanın günəş və külək enerjisi potensialı, Qarabağ və Şərqi Zəngəzurda həyata keçirilən yaşıl enerji layihələri bu sahədə geniş imkanlar yaradır. Böyük Britaniyanın texnoloji və maliyyə təcrübəsindən faydalanmaq ölkəmizin yaşıl inkişaf hədəflərinin reallaşdırılmasına, enerji ixracı imkanlarının genişləndirilməsinə və yeni investisiyaların cəlbinə töhfə verəcəkdir.
Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında imzalanmış Strateji Tərəfdaşlıq haqqında Birgə Bəyannamə qarşılıqlı etimada, ortaq maraqlara və uzunmüddətli əməkdaşlığa əsaslanan münasibətlərin yeni mərhələsini müəyyənləşdirir. Sənəd Azərbaycanın milli inkişaf prioritetləri, təhlükəsizlik siyasəti, iqtisadi şaxələndirmə strategiyası və beynəlxalq nəqliyyat imkanları ilə uzlaşır. Bu tərəfdaşlıq ölkəmizin beynəlxalq nüfuzunun daha da möhkəmlənməsinə, regional sabitliyin təmin olunmasına və qarşılıqlı faydalı əməkdaşlığın genişlənməsinə mühüm töhfə verəcəkdir.

Metin Hüseynov - siyasi sərhçi, politoloq


Sonxeber.az
Telegramda izləyin
Siyasət   Baxılıb: 266   Tarix: 16 noyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Yeni Azərbaycan Partiyası: Müstəqil dövlətçilik tariximizin siyasi dayağı və milli inkişaf strategiyasının təməli

Azərbaycanın müasir dövlətçilik tarixində Yeni Azərbaycan Partiyasının yaradılması mühüm siyasi hadisə olmaqla yanaşı, xalqın mürəkkəb tarixi şəraitdə nümayiş etdirdiyi milli iradənin, siyasi uzaqgörənliyin və güclü dövlət qurmaq istəyinin təcəssümüdür. 1992-ci il noyabrın 21-də yaradılan Yeni Azərbayca

17 noyabr
.

Dövlət qulluqçuları bu halda pedaqoji fəaliyyətlə məşğul ola biləcək

Dövlət qulluqçusunun pedaqoji fəaliyyəti yeni qaydada tənzimlənəcək. "Qafqazinfo" xəbər verir ki, bununla bağlı Azərbaycan Prezidenti İlham Əliyev "Azərbaycan Respublikası Dövlət Qulluğu Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə haqqında" Azərbayca

16 noyabr
.

Ağdamın işğaldan azad olunmasından 6 il keçdi

"2020-ci il noyabrın 10-da Azərbaycan Prezidenti İlham Əliyev, Ermənistan Respublikasının Baş naziri Nikol Paşinyan və Rusiya Federasiyasının Prezidenti Vladimir Putin tərəfindən imzalanmış üçtərəfli Bəyanata əsasən münaqişə zonasında bütün hərbi əməliyyatlar dayandırıldı və həmin tarixdən etibarə

16 noyabr
.

Azərbaycan Prezidentinin sosial şəbəkə hesablarına kiberhücumlar müşahidə olunur

Hazırda Azərbaycan Respublikasının Prezidenti İlham Əliyevin sosial şəbəkə hesablarına qarşı kiberhücumlar müşahidə olunur. xəbər verir ki, bu barədə Prezidentin Mətbuat Xidməti məlumat yayıb. Aidiyyəti qurumlar tərəfindən hücumların qarşısının alınması və araşdırılması istiqamətində müvafiq tədbirlə

15 noyabr
.

İmzalanan Bəyannamə dünya üçün sülh niyyətini ifadə edən sənəddir

"Dünyanın əksər dövlətləri Azərbaycanın xarici siyasətini dəstəkləyir, bəşəri bir dövlət olduğu üçün Azərbaycanla əlaqələri müxtəlif istiqamətlərdə genişləndirirlər. Bu əlaqələr qarşılıqlı etimad, qarşılıqlı inam əsasında daha da möhkəmlənməkdədir". Bu fikirləri -a açıqlamasında tarixçi Abbasağ

17 noyabr
.

Prezident İlham Əliyev Mahmud Abbası təbrik edib

Azərbaycan Respublikasının Prezidenti İlham Əliyev Fələstin Dövlətinin Prezidenti Mahmud Abbasa təbrik məktubu ünvanlayıb. -a istinadən xəbər verir ki, təbrik məktubunda deyilir:. "Fələstin Dövlətinin milli bayramı münasibətilə Sizə və Sizin simanızda bütün xalqınıza öz adımdan və Azərbaycan xalq

15 noyabr
.

Azərbaycan-Böyük Britaniya diplomatik münasibətlərində yeni inkişaf mərhələsi

Azərbaycanın milli maraqlara əsaslanan çoxvektorlu və balanslaşdırılmış xarici siyasət strategiyası ölkəni regional gücdən qlobal miqyaslı etibarlı strateji tərəfdaşa çevirib. Bu günlərdə dövlət başçısı İlham Əliyevin Dublində keçirilən "Avropa Siyasi Birliyi"nin 9-cu Zirvə Toplantısında iştirak

16 noyabr
.

Azərbaycanın xarici siyasətinin növbəti uğuru

Azərbaycan Respublikasının xarici siyasətində beynəlxalq tərəfdaşlıq əlaqələrinin genişləndirilməsi, qarşılıqlı etimada əsaslanan əməkdaşlığın möhkəmləndirilməsi və milli maraqların beynəlxalq müstəvidə ardıcıl şəkildə təmin olunması mühüm istiqamətlərdən birini təşkil edir. Bu baxımdan Azərbaycan Respublikas

16 noyabr
.

Azərbaycan-Böyük Britaniya strateji tərəfdaşlığının gələcəyə hesablanmış istiqamətləri

Müasir dünyada dövlətlərin inkişaf səviyyəsini müəyyən edən əsas amillərdən biri insan kapitalıdır. Elmi potensial, təhsilin keyfiyyəti, texnoloji yeniliklər, innovasiya imkanları və müasir əmək bazarının tələblərinə uyğun kadr hazırlığı ölkələrin rəqabət qabiliyyətinin əsasını təşkil edir. Bu reallı

16 noyabr