Azərbaycanda ərzağın qiyməti niyə bahalaşır? - AÇIQLAMA

2021-ci ilin yanvar-aprel aylarında istehlak qiymətləri indeksi (inflyasiya) 2020-ci ilin yanvar-aprel aylarına nisbətən 4,0 faiz, o cümlədən ərzaq məhsulları, içkilər və tütün məmulatları üzrə 4,7 faiz, qeyri-ərzaq məhsulları üzrə 3,7 faiz, əhaliyə göstərilmiş ödənişli xidmətlər üzrə 3,1 faiz artıb.

Artıq bu bahalaşmanı özümüz də müşahidə etməyə başlamışıq. Satışda olan əksər məhsulların qiymətində nəzərə çarpacaq dərəcədə fərq var. Bəs görəsən bu qiymt artımının səbəbi nədir?
Mövzu ilə bağlı Sonxeber.az-ın suallarını iqtisadçı Ramin Rəhimov cavablayıb.

O bildirib ki, ötən ilin sonlarından başlayarq müxtəlif ərzaqların qiyməti artmağa başlayıb ki, bu da gözənilən idi: " Suyun və benzinin qiymətindəki artımlar ərzaq qiymətlərinə də təsir edib. Burada süni qiymət artımından da söhbət gedir. Həmçinin, pandemiya dövründə tətbiq edilən məhdudiyyətlər sərbəst idxalı məhdudlaşdırdıqca qiymətlərdə artmağa başladı. Xarici bazarlara ixracı planlaşdırılan yerli ərzaq və tərəvəz məhsullarının qiymətində isə stabilləşmə qeydə alınır. Qiyməti ən çox bahalaşan ərzaq məhsulları idxal edilən məhsullardır".

Ekspert qeyd edib ki, qarşıdakı aylarda qiymət artımı yenidən olacaq: "Qiymətlərin bahalaşması qaçılmazdı. Növbəti aylarda bəzi məhsulların qiyməti yenidən bahalaşa bilər".

Telegramda izləyin

instagramda izləyin