Hər kəs vaksin vurdursa, pandemiya bitəcək? - AÇIQLAMA

Digər ölkələrlə yanaşı, Azərbaycanda da vaksinasiya prosesi davam edir. İnsanların bir çoxu vaksin olunduqdan sonra pandemiyanın bitəcəyinə ümid etsələr də, bir müddət əvvəl ÜST açıqlama vermdi ki, vaksinasiya prosesi bitəndən sonra belə, virusu tam şəkildə məğlub etmək mümkün olmayacaq. Bəs vaksinasiya prosesi başa çatdıqdan sonra Azərbaycanda pandemiya bitəckmi?

Məsələ ilə bağlı Sonxeber.az-a infeksionist Vüqar Cavadzadə açıqlama verib.

O, hər bir işin başlanğıcı olduğu kimi, sonunun da olduğunu bildirib:

"Pandemiya bitsə də, koronavirus cəmiyyətimizdə qalacaq, lakin tək-tük hallarda xəstəlik törədəcək. Pandemik viruslarda belə bir xüsusiyyət var ki, bu infeksiyalar hər zaman baş qaldırıb, yenidən pandemiya yarada bilər. Necə ki, dünyada bu günə kimi mövcud olan bir sıra pandemiyalar eyni bakteriya tərəfindən törədilib. Qrip virusunun tarixdə bəlli olan 20-dən artıq, vəbanın isə 6 pandemiyası olub.

Hazırda "COVID-19"un birinci pandemiyasında yaşayırıq. Pandemik infeksiyalar yayılma xüxusuyyətinə malikdirlər. 20-50 il sonra yenidən pandemiya baş verə bilər".

ZAİRA AKİFQIZI

Telegramda izləyin