Teatr və mədəniyyət evləri nə vaxt açılacaq? - AÇIQLAMA

Artıq 2 ilə yaxındır ki, teatrlar insanların üzünə bağlıdır. Aktyor və aktrisalarımız, tamaşaçılar səhnə üçün çox darıxıbla və ümüd edirlər ki, yaxın günlərdə Operativ Qərargah onları sevindirəcək.

Məsələ ilə bağlı Sonxeber.az-a deputat Razi Nurullayev fikir bildirib.

O, teatra daha çox ziyalı, mədəni insanların getdiyini qeyd edib:

"Azərbaycanda mədəniyyət sahəsində çalışanların bir çoxu həssas insanlardır. Kasıb yaşayırlar, qazanc yerləri də azdır. Onların qazancları yüksək olmasa da, ruhları tamaşaçıların alqışı ilə qidalanırdı. Məncə, artıq "COVID-19" pasportu olan şəxslərin, maska ilə olsa belə, işləməyinə icazə verilməlidir.

Düşünürəm, teatrların açılması minlərlə insanı yenidən həyata qaytaracaq, yeni nəfəs verəcək. Bu baxımdan, mən teatrların bağlı qalmasında bir anlam görmürəm.

Teatra gedən insanlar əsasən ziyalı, mədəni insanlardır və nəyə görə biletə pul verib aldığını, hansı səbəbdən teatra getmək istədiyini bilir. Onlar, təbii ki, ora xəstələnməyə və ya kimisə yoluxdurmağa getmirlər. Ona görə də peyvənd olunmuş insanların teatrda tamaşalara baxmaqlarına qadağa qoyulmamalıdır. Teatrlar mütləq şəkildə açılmalıdır. Əslində, çoxdan açılmalı idi, bu günə kimi bağlı qalması anlamsız məsələdir".

ZAİRA AKİFQIZI

Telegramda izləyin