"Coca-Cola" loqosunu DƏYİŞİR - "Həqiqi Möcüzə" - FOTO-VİDEO

Bir neçə gün öncə dünyaca məşhur "Coca-Cola" şirkəti öz loqosunu dəyişmək qərarına gəlib.

Sonxeber.az BiG.AZ-a istinadən xəbər verir ki, şirkət insanları birləşdirmək niyyətində olduğu üçün yazını bir az yuvarlaqlaşdırıb, yəni yazı sanki "Cola" butulkasını "qucaqlayır".

Brend yeni sloqan (şüar) kimi isə "Real Magic" ("Həqiqi Möcüzə") sözlərini seçib.

Şirkətin marketinq üzrə direktoru Manolo Arroyonun sözlərinə görə, məhz "Cola" bütün bayram süfrələrinin ayrılmaz hissəsidir və insanları bir araya gətirir:

"Hesab edirik ki, "Coca-Cola" dünyanın ən uğurlu brendlərindən biri olmaqla yanaşı, həm də insanları birləşdirə biləcək sehrli iksirdir".

Şirkət yeni loqo ilə bağlı promo-çarx da hazırlayıb. Ssenari müəlliflərinin əsas ideyası real aləmlə virtual dünyanı birləşdirməkdən ibarətdir. Çəkilişlərə bir çox məşhur bloqer və idmançılar dəvət alıblar.

Telegramda izləyin