7 ildir qızına körpü olub, onu çaydan keçirən ATA EFİRDƏ: HƏR KƏSİ KÖVRƏLTDİ - VİDEO

Bir neçə gündür sosial şəbəkələrdə hər kəsi kövrəldən görüntülər yayılıb.

BiG.AZ xəbər verir ki, görüntülərdə ucqar kənddə yaşayan ata qızını məktəbə aparmaq üçün körpü olmadığından çayı keçərkən onu kürəyində aparır. ATV kanalında yayımlanan "Bizimləsən" verilişi həmin ata ilə övladını studiyaya dəvət edib. Ata-bala efirdə olarkən hər ikisi danışıb ağlayıblar, tamaşaçılar da kövrək anlar yaşayıb.

Belə ki, övladı atasının çəkdiyi əziyyətə görə utandığını deyib:

"Mən dərslərimi yaxşı oxuyuram, oxumalıyam da. Atam üçün, onun əziyyəti böyükdür. Atam məni çiyninə alanda bu məni incidir. Atam məni hər dəfə çiyninə alanda düşünürəm ki, mən ona ağır yükəm".

Atası isə bildirib ki, 2006-cı ildə yaşadıqları evə köçüb və müəllim işləyir:
"2006-cı ildə bu kəndə köçmüşük. Yaz, payız və qış aylarında mən qızımı çiynimdə daşıyıram. 2014-cü ildən bu günə kimi övladımın körpüsü olmuşam. Xahiş edirəm yolumuz düzəlsin, yoldaşım, övladım üçün çətinlik olmasın".

Telegramda izləyin