Oğlunun anım gününə 40 mərasimi qarışan şəhid atası - VİDEO

Şəhid Məhəmməd Vəliyevin ildönümü, atasının 40 mərasimi ilə eyni günə təsadüf edib.

Sonxeber.az-ın məlumatına görə, bu gün 44 günlük Vətən müharibəsinin qəhrəmanı Məhəmməd Vəliyevin şəhadətə ucaldığı gündür. Eyni zamanda, atası Vəliyev Nail Xəmməd oğlunun da ölümünün 40-cı günüdür.

Qeyd edək ki, Azərbaycan Ordusunun əsgəri Məhəmməd Vəliyev 27 sentyabr 2020-ci il tarixində Azərbaycan Silahlı Qüvvələri tərəfindən erməni işğalında olan ərazilərimizin azad edilməsi uğrunda gedən döyüşlərdə iştirak edib. O, Vətən müharibəsi zamanı Füzuli və Qubadlı rayonlarının alınmasında düşmənlərə qarşı böyük şücaətlə döyüşərək şəhidlik zirvəsinə ucalıb.

Məhəmməd Vəliyevin nəşi 23 oktyabr 2020-ci il tarixində Sarıcəfərli kənd qəbiristanlığında izdihamla torpağa tapşırılıb. Şəhidin atası oğlunun şəhadətinin ildönümündın 40 gün öncə dünyasını dəyişib və ata ilə oğulun yas mərasimləri bir-birinə qarışıb.

Şəhidimiz ailəli olub və əkiz uşağı yadigar qalıb.

Aysel Səfərzadə

Telegramda izləyin