Ermənilərin "KOBRA" ləqəbi ilə tanıdıqları ŞƏHİDİMİZ - FOTO

Azərbaycanın mərd, cəsur, hünərli və vətənpərvər oğlu Xeyrulla İbrahimov 19 aprel 1971-ci il tarixində Bakı şəhərində anadan olub. Ötən 19 il ərzində müxtəlif hərbi hissələrdə, fərqli vəzifələrdə çalışan Xeyrulla İbrahimov qüsursuz xidməti ilə daim diqqət mərkəzində olub. Təsadüfi deyil ki, 1992-ci ildə Azərbaycanın ən gənc hərbi hissə komandiri olan Xeyrulla İbrahimov 3 il ardıcıl olaraq "Azərbaycanın ən yaxşı zabiti" adına layiq görülüb. "Azərbaycan Bayrağı" ordeni və "Vətən uğrunda" medalı ilə təltif edilib

Sonxeber.az-ın məlumatına görə, Azərbaycan ordusunun polkovnik-leytenantı Xeyrulla İbrahimov Vətən müharibəsi zamanı Cəbrayıl, Füzuli, Zəngilan, Qubadlı və Xocavəndin azadlığı uğrunda gedən döyüşlərdə savaşaraq, qəhrəmanlığı ilə fərqlənib.

Ermənistan Ordusunun rəhbərliyi tərəfindən döyüş meydanında "Kobra" ləqəbi ilə tanınan Xeyrulla İbrahimovun öldürülməsi üçün pul mükafatı belə, təyin edilmişdi.

O, oktyabrın 26-da Xocavənd döyüşləri zamanı şəhid olub.

II Şəhidlər Xiyabanında dəfn olunan Xeyrulla İbrahimov şəhadətindən sonra "Azərbaycan Bayrağı" ordeni, "Vətən uğrunda", "Xocavəndin azad olunmasına görə", "Füzulinin azad olunmasına görə" və "Şuşanın azad olunmasına görə" medalları ilə təltif edilib.

ZAİRA AKİFQIZI

Telegramda izləyin