MƏMUR SƏHLƏNKARLIĞI: "AZAL"ın işçisi ilə bağlı 2020-ci ildən açılmayan cinayət - VİDEO

Saytımıza şikayət daxil olub.

Sonxeber.az-ın verdiyi məlumata görə, oğlu təcridxanada olan Məmmədova Nigar bildirir ki, 5 nəfərin azadlıqda qalmasına xatir onun övladını tam sağalmağa qoymurlar.

Qadın qeyd edir ki, "AZAL" işçisi olan Məmmədov Fərrux baş və boyun nahiyyəsinə armaturla vurulub və bundan sonra başında yaranan şiş səbəbindən onun "ağlı gedir-gəlir". Bu barədə 14.06.2020 tarixində DİN-ə və Nazirlər Kabinetinə məlumat verilib. Nigar xanım övladına edilən haqsızlığa bəzi məmurların göz yumduğundan şikayətlənir:

"Oğluma qarşı törədilən 11.06.2020, 14.06.2020, 15/16/17/18/19.06.2020, 20.07.2020, 30.07.2020, 08.08.2020, 11.08.2020, 12/13.08.2020, 18.08.2020, 19.08.2020, 14.09.2020, 13.10.2020, 16/17/19/20/21.10.2020 tarixli cinayəti istintaq zamanı yazılı şəkildə təqdim etdiyim halda məsələ niyə araşdırılmır? Bu haqsızlıqların səbəbi nədir? Açıq-aşkar cinayət niyə bağlı qalır?

Baş prokuror Kamran Əliyevi kim necə aldatdı ki, 49 məktubum, 18 teleqramım araşdırılmadı?! Hətta MRT müayinəsi üçün Baş Prokurorluq səviyyəsində icaze alınıb. Mənim oğlumu öz vəsaitimə tam sağalmağa qoymurlar.

28 /29.11.2020 tarixli cinayətlər saxtalaşdırıldı. Müstəntiq Mikayıl Məmmədzadə və iki polis İstintaq zamanı oğluma bədən xəsarətləri yetirib və işgəncə veriblər. Bu faktın tarixləri saxtalaşdırılib və bildirilib ki, guya oğlum özü-özünə noyabr ayında xəsarət yetirib. Baş prokuror və ambudsman aldadılıb. Mən günahkar axtarmıram. Oğlumun xəstə olduğunu sübut etmək istəyirəm. 11.06.2020 tarixindən 27.06.2020 tarixinədək oğlum hərəkətlərini bilmədiyinə görə 16 nəfərin müşahidəsi altında olub.

İstintaq zamanı hərəkət etmiş başın MRT müayinəsi üzərində ekspertin yalandan "sağlam" yazmasını Baş Prokurorluq, Gəncə Apellyasiya Məhkəməsi və Gəncə İnzibati Məhkəməsi niyə araşdırıb ölçü götürmədi?! Tibbi sənəddə (30.07.2020) onun başından və qulağından qanın, irin gəldiyi təsdiqləndiyi halda ekspert hərəkət etmiş baş MRT-si ilə niyə kifayetlənib? 14.09.2020 tarixli baş-boyun MRT-sində qanlı-irinli mayeni, əzilmis damarı, yerinden oynamış fəqərələri və baş-təpə-əmgək sümüyünün sınığını (5/5 əyri bitmiş əmgək sümüyünün sınığını) ekspert niyə görə bilmir?

16 aydır, oğlum Fərruxun tam sağlamlığına qovuşmasına kim mane olur? 5 dəfə konvoyla müayinəyə çıxıb, nəticələri kim saxtalaşdırır? Ruhi dispanserdən deyilir ki, iş istintaqa qayıtmasa, oğlumun xəstəliyi yazılmayacaq. Halbuki bir sıra psixiatr, psixosomatik, nevropatoloq, neyrocərrah, neyrotravmatoloqlar oğlumun ciddi xəstə olduğunu, hər an tutmasının ola biləcəyini deyirlər. Həmin an o, yenidən cinayət törədə, adam öldürə bilər.

Dəfələrə müraciətimə yayındırıcı cavablar verilir. Oğlumu tam sağalmağa qoymurlar.

Biz onun saxlanma şəraitindən narazı deyilik. Biz zəncirvari şəkildə bir-birinə qoşulub yuxarı məmurları aldadan bəzi səhlənkar məmurlardan şikayətçiyik.

5 nəfərin azadlıqda qalmasına xatir Fərruxun tam sağalıb qanun qarşısında dayanmasına icazə verilmir.

Kim 11 vəkildən 9-unu "AZAL"ın işçisini müdafiə etməyə qoymur? Baş Prokurorluqda vəkillərə ittiham aktını yazmağa kim icazə vermir?

Baş prokuror, cənab Kamran Əliyev, cənab Anar Bağırov, ədliyyə naziri, daxili işlər naziri, səhiyyə nazirindən xahiş edirəm, məsələni araşdırsınlar, kömək etsinlər. Bəzi səhlənkar və saxtakar məmurlar öz çirkli əllərini oğlumun üzərindən çəksinlər! Onların özlərinin balalarının başına bu hadisə gəlsə (armatur dəmirlə vurub 17 gün gizlətsələr, və cinayətkarlar sonradan onu cinayətkara çevirsələr) nə edərdilər? Mənim oğlumun günahı nədir? Onun baş-boynuna armatur dəmirlə vurub gizlətməsəydilər, özünu də zəng edib bezdirməsəydilər, Fərrux bu cinayəti törətməzdi. Bir halda ki, Qazax rayon İcra Hakimiyyətinin bizim evə göndərdiyi nümayəndələr bəllidir, bu məsələlər niyə gizlədilir?!

Baş Prokurorluq istəsə, istintaq zamanı "YouTube"da dediyim tarixlərin videogörüntulərini alıb baxa bilər".

Qadının şikayətini daha ətraflı aşağıdakı audiodan dinləyə bilərsiniz:

Telegramda izləyin