Qobustanın viran qalan Qurbançı kəndi - Reportaj / VİDEO

Qobustanın Qurbançı kəndi adı xəritədə, özü silinmək üzrə olan yaşayış məskənidir. 

Hər gün iş-güc arxasınca gedən kənd sakinləri heç vaxt asfalt üzü görməyən palçıqlı yoldan istifadə etmək məcburiyyətindədirlər. Aidiyyəti qurumların unutduğu kənddə sakinlər içməli su üzünə də həsrətdir. Hər gün uzaq məsafədə çala-çuxur yollarla ya avtomobillərdə su daşıyırlar, ya da 35-40 manata su almalı olurlar. Kəndin xarabalığı xatırladan, qapısız-pəncərəsiz məktəbi də yararsız vəziyyətdədir. İllər əvvəl burada 200-dən çox şagirdə təhsil alsa da, hazırda məktəbin üç şagirdi var. Zamanında bu təhsil ocağında çox ziyalılar, alimlər yetişib. 

Dünya şöhrətli sənətkarımız Alim Qasımov da təhsilini burada alıb. Kənd seysmik zonada yerləşdiyindən sürüşmələr nəticəsində evlər dağılıb, bəziləri qəzalı vəziyyətə düşüb. Bu səbəbdən sakinlər kəndi kütləvi şəkildə tərk edib. Tərk edilən evlər arasında Xalq artisti Alim Qasımovun ata evi də var. 

Ətraflı Baku TV-nin süjetini təqdim edirik:

Telegramda izləyin