Məşhur milyarderlər hər səhər nə edir?

Uğurlu insanlar hesab edirlər ki, maddi rifahının sirri təkcə biznes ideyasında deyil. Bir çox digər faktorlar arasında səhər vərdişləri mühüm rol oynayır.

Bəs milyarderlər hər səhər nə edirlər?

Sonxeber.az BiG.AZ-a istinadən oxucuları bu barədə məlumatlandırmaq istəyir.

Bill Geyts

"Microsoft" şirkətinin yaradıcısı Bill Geyts yuxudan oyanandan dərhal sonra, hətta səhər yeməyi yemədən öncə idman zalına gedir. Qaçış trenajorunda o, günün xəbərləri ilə tanış olur. Bu, Geytsə beyni məşq etdirməyə və düzgün istiqamətdə fəaliyyətə köklənməyə yardım edir.

Cek Ma

Çinin ən varlı iş adamı, "Alibaba Group"un sahibi, 40 milyard dollar sərvəti olan Cek Ma, həmçinin, səhərlər məşq edir. Gimnastika, Çin döyüş hərəkətləri, meditasiya və digər məşqlər ona ayılmağa və iş gününə yaxşı hazırlanmağa kömək edir.

Sergey Brin

"Google" axtarış sisteminin yaradıcısı Sergey Brin də tiraf edir ki, sübh saatlarında etdiyi fiziki məşqlər ona müvəffəqiyyət qazanmaqda kömək olub. İdmanını o, yaşıl çay və faydalı səhər yeməyi ilə tamamlayır.

Mark Zukerberq

"Facebook"un qurucusu və rəhbəri Mark Zukerberq, digər uğurlu insanlar kimi, yuxudan oyandıqdan sonra qaçışla məşğul olur. Daha sonra gümrahlıq gətirən bir fincan qəhvə içir və həmin gün geyinəcəyi geyimi seçir. Onun qarderobu oxşar köynək, ayaqqabı və şalvarlardan ibarətdir. Mark əmindir ki, insanlar geyim seçiminə xərclədikləri vaxtı daha faydalı işlərə sərf edə bilərlər.

Telegramda izləyin