Azərbaycanlı turistlərə koronavirusdan sığorta tələbi - onu almaq mümkündürmü?

Azərbaycanlı turistlərə koronavirusdan sığorta tələbi - onu almaq mümkündürmü?Koronavirus pandemiyası ilə əlaqədar olaraq son zamanlar bir sıra ölkələr visa məsələlərini sərtləşdirib. Belə ki, artıq visa müraciətləri zamanı təqdim edilən səyahət sığortalarında COVID-19 təminatı ilə bağlı maddənin mövcud olması, təminat məbləğinin maksimum həddə olması tələb olunur.

Azərbaycan ərazisində fəaliyyət göstərən sığorta şirkətlərinin təqdim etdiyi sığorta sənədində bu barədə müdəaların olmaması və COVID-19-la bağlı təminatın 1000-1500 manat civarında olması Azərbaycandan həmin ölkələrə uçmaq istəyənlərə müəyyən problem yaradır. Bir çox hallarda isə vətəndaşlarımız bu problemi həll etmək üçün xarici sığorta şirkətlərinin xidmətlərindən istifadə etməyə məcbur olur.

"Report"a açıqlaması zamanı məsələnin bu gün gündəmdə olan əsas problemlərdən biri olduğunu qeyd edən sığorta məsələləri üzrə ekspert Əli Bayramov bildirir ki, bu sığorta şirkətlərinin qeyri-peşəkar olması ilə əlaqədardır:

"Bütün Avropa ölkələri olmasa da dövlətlərin böyük əksəriyyəti, hətta qonşu Gürcüstan belə COVID-19 təminatı olmadan xarici vətəndaşları öz ərazilərinə buraxmırlar.

Bundan əlavə tələblər arasında limitlərlə bağlı də şərtlər var. Belə ki, bir sıra ölkələr bu xəstəlik üzrə təminatın maksimal həddə olmasını istəyirlər. Bu da tam anlaşılandı. Çünki Azərbaycan vətəndaşı o ölkədə olduğu zaman koronavirusa yoluxa bilər və bu da müəyyən xərclər əmələ gətirər. Bəzi ölkələrdə bu xərclərin qarşılanması öz vətəndaşları üçün ödənişsiz olsa belə, xarici vətəndaşlar üçün pulsuz deyil. Nəticədə isə problem yaranır. Bu səbəbdən də ölkələr viza müraciəti zamanı belə bir tələb qoyublar.

Azərbaycana gəldikdə isə, həmişə olduğu kimi bizim sığorta şirkətləri qərar qəbul etməkdə gecikir. Əslində burda ciddi problem yoxdur. Sığorta şirkətlərimiz mövcud təkrarsığortaçılar, yaxud digər mötəbər təkrarsığortaçılar vasitəsi ilə bu təminatı əldə edib müvafiq qaydada öz müştərilərinə təklif edə bilərlər. Koronavirusa yoluxma halların çox olması sığortaçılarımızın bu məsələdən çəkinməsinin səbəbidir. Məsələn Avropada koronavirusun müalicəsi baha olduğu üçün sığorta şirkətləri böyük vəsait itirəcəklərindən ehtiyat edirlər. Bu səbəbdən də onlar belə bir limit [1000-1500 manat civarında] qoyublar. Çünki böyük risk olduğunu düşünürlər. Amma bu əsas vermir ki, belə bir addımı atsınlar. Çünki bizim sığorta bazarında müasir dövrdə olan sığorta risklərinə qarşı da addımsızlıqları var.

İndi bütün dünyada ən böyük risklərdən biri kiber risklərdir. Artıq ölkəmizdə də tez-tez sadə vətəndaşlara qarşı "fishing" hücumlarının həyata keçirildiyini və bu üsulla onların kartlarından pul oğurlandığını görürük. Sual olunur ki, bəs Azərbaycan bazarı bu risklə bağlı təminat verirmi? Təbii ki, yox!

Burada çətin bir iş yoxdur. Əslində COVID-19-la bağlı təminat verə bilən böyük şirkətlər var. Sığorta şirkətlərimiz qorxursa, öz risklərini təkrarsığorta şirkətləri ilə ilə bölüşə bilərlər. Nəticədə ölkə vətəndaşlarına lazım olan təminatı təqdim edə bilərlər. Bu sadəcə sığorta şirkətlərinin qeyri-peşəkarlığı və dünyada baş verənlərlə ayaqlaşmamasıdır".

Ekspert hesab edir ki, vətəndaşların xarici sığorta şirkətlərinə müraciət etməsi ölkədən valyuta axınına səbəb olur:

"Bu səbəbdən də Şengen zonasına gedən Azərbaycan vətəndaşı məcbur olur AXA kimi qlabal şirkətlərin sistemindən onlayn şəkildə həmin təminatı alsın. Bu isə qanunvericiliyin tələbinin kobud şəkildə pozulması deməkdir. Çünki qanunvericiliyə görə, Azərbaycanla bağlı sığorta predmeti, sığorta marağı yalnız yerli şirkətlərdə sığortalanmalıdır. Əgər Azərbaycan vətəndaşı xarici sığorta şirkətindən bu təminatı alırsa bu ölkədən valyuta axını deməkdir və itirən də Azərbaycan iqtisadiyyatı olur.

Onu da qeyd edim ki, uzun illər Səyahət sığortası portfelləri Azərbaycan sığorta şirkətləri üçün ən mənfəətli sığorta sahəsi olub. Bu baxımdan da sığorta şirkətləri zərərli olmaqla bağlı iddia edə bilməzlər. Bu da bir növ absurd vəziyyəti göstərir. Əgər zərərlilik aşağıdırsa sən niyə oturmusan yerində və heç bir təşəbbüs göstərmirsən?

Bu məsələlərin qaldırılması ilə Azərbaycan Sığorta Assosiasiyası (ASA) və problemin həlli isə Azərbaycan Mərkəzi Bankının öhdəsinə düşür. ASA oturub müzakirə aparmalıdır və konkret təkliflər verməlidir".

Ölkədə fəaliyyət göstərən sığorta şirkətlərindən birinin Direktorlar Şurasının sədrinin müşaviri Turabxan Turabxanov da problemin mövcudluğunu qeyd edir. Sığorta şirkətinin rəsmisi hesab edir ki, COVID-19 üzrə təminatın yüksək olması komissiya haqlarının da artmasına səbəb olur:

"COVID-19 xəstəliyi ilə bağlı, ölkədə vaksin vurduranların sayı artdıqca, səfər sığortası üçün müraciətlərin də sayı artır. Şengen ölkələrinə bağlı olan ölkələrin səfirlikləri COVID-19 xəstəliyinə qarşı tam təminat istəyirlər. Amma bizdə yerli şirkətlər müəyyən bir məbləğə qədər təminat verirlər. Bu təminat təxminən 1500-2000 manat arasında olur və ona görə də çox vaxt səfirliklər bu müqaviləni qəbul etmirlər. Vətəndaşlar da məcbur qalıb xarici şirkətlərdən alırlar sığortanı və bu da çox baha qiymətə başa gəlir.

Bu təminatın xaricdən alınması da təxminən 250 avroya başa gəlir. Təbii ki, bu bizim şirkətlərdən cüzi fərq qiyməti ilə fərqlənir. O qədər də böyük fərq olmur. Azərbaycanda bu təminatın verilməsi daha yaxşı olar. Bu sahədə böyük boşluq var. Hamı kimi mən də narazıyam. Yəqin ki, bizim özümüzdə bu təminatın nəyə görə olmaması ilə bağlı müəyyən problemlər var ki, bundan da bizim xəbərimiz yoxdur".


Sonxeber.az
Telegramda izləyin
Turizm   Baxılıb: 1174   Tarix: 25 dekabr 2021  

Şikayətiniz varsa Whatsapp: 077 7125666

Facebookda Paylaş


Tezbazar.az elanlar sayti

Oxşar xəbərlər

.

KİV: Paşinyan itlərin hücumuna məruz qalıb

Ermənistanın baş naziri Nikol Paşinyan itlərin hücumuna məruz qalıb. Bu barədə "Report" Ermənistanın "Hraparak" nəşrinə istinadən xəbər verir. Nəşrin məlumatına görə, insident bu gün səhər saatlarında Paşinyanın Gümrü şəhərinin küçələrində velosiped sürdüyü zaman baş verib. "Şəhə

19 oktyabr 2024
.

Torontoda atışma baş verib, 11 nəfər xəsarət alıb

Kanadanın Toronto şəhərinin mərkəzində yerləşən bir "pub"da baş verən atışma nəticəsində azı 11 nəfər yaralanıb. "Report" xəbər verir ki, bu barədə CTV telekanalı məlumat yayıb. Qeyd edilib ki, xəsarət alanların vəziyyəti yüngüldən ağıra qədər dəyişir. Şübhəli şəxs hələ ki saxlanılmayı

8 mart 2025
.

İran rəsmisi: Raket çatışmazlığımız yoxdur, bu, sadəcə taktika dəyişikliyidir

İranın İsrailə zərbə endirmək üçün raket çatışmazlığı yoxdur. "Report" xəbər verir ki, bu barədə İranın yüksək rütbəli rəsmisi CNN-ə bildirib. Mənbə qeyd edib ki, İran İsrailə raket atılması strategiyasını dəyişərək, zərbələrin sayını deyil, keyfiyyətini əsas götürür. İndi çoxsaylı raket buraxılışlar

21 iyun 2025
.

Xameneinin müşaviri: "Ekzistensial təhlükə yaranarsa, İran nüvə doktrinasını dəyişəcək"

Dünən İranın ali rəhbərinin müşaviri və Xarici Əlaqələr üzrə Strateji Şuranın sədri Kamal Xərrazi İsrailin hücumlarına cavab olaraq deyib ki, Tehran Təl-Əvivə uyğun vaxtda və lazımi şəkildə cavab verəcək. "Azad İran" "Telegram" kanalı bu barədə "Əl-Məyadin"ə istinadən xəbə

2 noyabr 2024
.

Yaponiya ABŞ-nin Avstraliyadakı hərbi təlimlərinə qoşulacaq

Yaponiya hərbçiləri Avstraliyanın şimalındakı Darvində Avstraliya və Amerika əsgərlərinin birgə müntəzəm təlimlərinə qoşulacaq. "Report" xarici KİV-ə istinadən xəbər verir ki, bu barədə Avstraliya müdafiə naziri Riçard Marlz Pentaqon rəhbəri Lloyd Ostin və Yaponiya müdafiə naziri Gen Nakatan

17 noyabr 2024
.

Erməni katolikosa yaxınlığı ilə tanınan ingilis Arxiyepiskop uşaqlara qarşı zorakılıq faktlarını gizlətməkdə şübhəli bilinir

İngiltərədə erməni katolikos II Qareginə yaxınlığı ilə tanınan Anqlikan Kilsəsinin rəhbəri, Kenterberi Arxiyepiskopu Castin Velbi (Justin Velbi) hazırkı vəzifəsindən istefa verib. "Report"un məlumatına görə, Arxiyepiskopun adı uşaqlara qarşı zorakılıqla bağlı qalmaqalda hallanır. 2013-cü ildə

1 dekabr 2024
.

Bu ölkədə alkoqoldan ölümlər fəlakətli həddə çatdı

Britaniya hökuməti alkoqoldan ölənlərin sayını "fəlakətli" adlandırıb. -ın xarici mediaya istinadla məlumatına görə, 2023-cü ildə ölkədə 8,2 mindən çox insan alkoqol qəbulu və bununla bağlı səbəblərdən dünyasını dəyişib. Bu, 2019-cu illə müqayisədə 42 faiz çoxdur. "Böyük Britaniyada pandemiy

22 dekabr 2024
.

Türkiyədə hoteldə baş vermiş yanğınla bağlı müttəhimlərə 2 min ilədək həbs cəzası tələb olunur

Türkiyənin Bolu vilayətindəki "Kartalkaya" dağ-xizək kurortunda hoteldə baş verən yanğınla bağlı istintaq aparan prokurorluq ittiham aktı hazırlayıb və bəzi müttəhimlər üçün 2 min ilə yaxın həbs cəzası tələb edir. xəbər verir ki, bu barədə "A haber" telekanalı məlumat verib. Qey

18 may 2025
.

Husilər İsrailə raket hücumuna görə məsuliyyəti öz üzərinə götürüblər

Yəmənin "Ənsar Allah" üsyançı hərəkatından olan husilər İsrailə növbəti raket hücumuna görə məsuliyyəti öz üzərinə götürüblər. "Report" TASS-a istinadən xəbər verir ki, hərəkatın nümayəndəsi Yəhya Saria bildirib ki, üsyançı qüvvələr Təl-Əvivdəki hərbi obyektə hipersəsli ballisti

3 may 2025