Mətbuat katibi olan qazimiz məşhur "Hadrut daşı"ndan yazdı - FOTO

"Günün fotosuna çevrilən məşhur daş Azərbaycan Ordusunun həyata keçirdiyi əks-hücum əməliyyatları nəticəsində Hadrut qəsəbəsi 2020-ci il oktyabrın 9-da düşmən tapdağından azad edildi".

Sonxeber.az xəbər verir ki, bu sözləri "ARB Media Qrup"un mətbuat katibi, Vətən müharibəsi qazisi, 44 günlük müharibədə tarix yazan qəhrəmanlarımızdan olan Mail Əskərov deyib.

O bildirib ki, Hadrutda olan məşhur daşın fotosu sonrakı günlərdə sosial mediada ən çox paylaşılan foto olub:

"Çünki keçən il Qarabağda işğalçıların xeyrinə yalan informasiyalar yayan təxribatçı "jurnalist" Semyon Peqov məhz həmin ərazilərə Beynəlxalq Qırmızı Xaç Komitəsinin missiyası çərçivəsində erməni əsgərlərinin meyitlərini toplamaq üçün girən avtomobillə gələrək çəkiliş aparmışdı. O bununla Hadrutun Azərbaycanda olmadığını sübut etməyə çalışırdı.

Amma Azərbaycan Ordusu Hadrutun hər daşına sahib olduğunu bir daha sübut etdi! Bir neçə gün öncə daş üstündə poz verən işğalçı ordunun əsgərləri torpağa gömüldülər. Məşhur daşın önündə isə indi məğrur, müzəffər Azərbaycan əsgəri dayanır!

ZAİRA AKİFQIZI

Telegramda izləyin