"İzzətimlə gedəcəkdim, şəkli ilə getmək qismət oldu" – Şəhid anası - VİDEO

Vətən müharibəsinin qəhrəman şəhidi İzzət Həmidovun anası Vəfa xanım oğlu ilə gerçəkləşdirrmək istədiyi arzusunu onsuz həyata keçirməli olub.

Sonxeber.az-ın məlumatına görə, şəhidin anası İranın Məşhəd şəhərində yerləşən İmam Rzanın qəbrini ziyarət etməyi arzulayıb.

Vəfa xanım yuxu gördükdən sonra ziyarətə getdiyini deyir.

"İzzətimlə gedəcəkdim, amma Ağamın ziyarətinə İzzətin şəkliylə getmək qismət oldu. Yuxumda məni çağırdı. Bura çatdığım gün Xanım Zəhranın mövlud günü oldu. Nə xoş halıma ki, Allah mənə nəsib etdi. İnşallah, arzum Kərbəla, Həcc ziyarətlərinə də getməkdir. Məşhəddə hazırda bunun üçün dua edirəm. İzim, ay İzim, mən hardayamsa, sən ordasan, bilirəm. Hansı ziyarətə gedirəmsə, Allahdan İzzətimi göstərməyini istəyirəm. Artıq dözə bilmirəm. Bu yola da o niyyətə çıxmışam. İzzətimi istəyirəm".

Ziyarət zamanı şəhid İzzətin və digər şəhidlərimizin adına mərsiyyələr səsləndirilib, dualar oxunub.

Qeyd edək ki, İzzət Həmidov 28 fevral 2000-ci ildə doğulub. 9 oktyabr 2020-ci il tarixində Füzulinin Alıxanlı kəndi istiqamətində gedən döyüşlərdə şəhidlik zirvəsinə ucalıb. Həmin vaxt o, bir ilin əsgəri olub. Anası Vəfa xanım isə oğlunun xatirəsini layiqincə qoruyub saxlayır.

Aysel SƏFƏRZADƏ

Telegramda izləyin