Avropaya gedənlərin DİQQƏTİNƏ: Səyahət qaydaları dəyişdi

Avropa Birliyi koronavirusla mübarizə çərçivəsində bəzi yeni səyahət qaydalarına keçir. AB Komissiyasının təqdim etdiyi təklifə əsasən, birlik daxilində yeni səyahət tənzimləməsi mövcuddur. Bəs, Avropa ölkələrinə getmək istəyən vətəndaşlar nə edəcək? Yeni səyahət qaydaları artıq AB ölkələrinə vizası olan vətəndaşları da əhatə edəcəkmi?

Sonxeber.az-ın əldə etdiyi məlumata görə, AB-yə üzv 27 ölkənin müvafiq nazirləri Brüsseldə bir araya gələrək, AB Komissiyasının təklif etdiyi insan yönümlü səyahət təşkili məsələsini müzakirə ediblər.

Nazirlərin razılaşdığı təkliflə bağlı mətbuat konfransında danışan Avropa Komissiyasının vitse-prezidenti Maros Şefçoviç bildirib ki, tam peyvənd olunanların və peyvənd pasportu olanların AB ölkələrinə səyahəti asanlaşacaq.

"Biz ölkələr və ya regionlar deyil, ayrı-ayrı şəxslərin vəziyyətinə əsaslanan yanaşmaya üstünlük verdik. Elmi nailiyyətlər peyvənd olunmuş insanların daha yaxşı qorunduğunu göstərir. Səhiyyə sistemimizin ciddi şəkildə təsirlənməməsi üçün peyvəndi təşviq etməklə epidemiyaya qalib gəlmək istəyirik", – deyə M.Şevçoviç bildirib.

Təklifə əsasən, Avropa Birliyinə üzv ölkələrə "COVİD-19"a qarşı peyvənd edilmiş şəxslər üçün 9 ay, PZR testindən keçənlər üçün 3 gün, digər vətəndaşlar üçün isə 1 gün etibarlılıq müddəti olan pasportlarla daxil olmaq mümkün olacaq.

Xatırladaq ki, ötən günlərdə səyahət yeniləməsi edən Britaniya peyvənd edilmiş və ya immuniteti olanlar üçün PZR testini ləğv etdi. Karantinin tamamilə aradan qaldırıldığı Böyük Britaniyada peyvənd olunmayanlar ölkəyə gəlişlərinin ikinci günündə PZR testindən keçməlidirlər.

Aygün Osmanlı

Telegramda izləyin