"Omicron", yoxsa mövsümi qrip? - Bu əlamətlər olsa...

Soyuqdəymələr fonunda qızdırmalar, öskürəklər və qrip əlamətləri ilə müşayiət olunan viruslar həmişə olub. İndi isə "Omicron" "dəbdədir".
Bəs uşağınızda qızdırma, ishal, öskürək müşahidə etdikdə, nələr etməlisiniz?

Sonxeber.az xəbər verir ki, həkim-fitoterapevt, apiterapevt, bitkilər üzrə elmi işçi Elnur Eldaroğlu bu barədə məsləhətlərini özünün "İnstagram" səhifəsində paylaşıb.

O, valideynlərə bunları məsləhət görür:

1.Qızdırmanı salmaq üçün dərhal antibiotik içməyə gərək yoxdur.
2. Hamı eyni müalicəylə sağalmır və bu dəfəki virus çox sürətli yayılsa da, tez sağalır.
3. İmmuniteti çox aşağı və xroniki xəstəliyi olanlar diqqətli olmalıdırlar.
4. Vəziyyəti yüngül və orta olanlara müalicədə ağır dərmanlardan deyil, təbii məhsullardan istifadə etmək məsləhətdir.
5. Qan dəyərlərinə baxıb müalicəyə qərar vermək daha yaxşıdır.

Həkim qeyd edir ki, evdən çıxa bilməyənlərin virusa uyğun qan analizlərini yoxlamaq üçün çalışdığı "Apimed" klinikasında xüsusi xidmət mövcuddur.

O, qeyd edib ki, virus əleyhinə müalicədə pandemiya dövründəki iki illlik praktikasında "İmmunoSet" məcunu, "Propolis tinktura" və biyandan istifadə edərək uğurlu nəticələr əldə edib.

"Profilaktik tədbirlər önəmlidir. Elə edək ki, yoluxsaq da, yüngül keçirək", - deyə Elnur Eldaroğlu vurğulayıb.

Sonda o, əlavə edib ki, "Omicron" variantına yoluxanlarda çox az simptomların üzə çıxdığı, xəstəliyin sadə boğaz ağrısı və ya öskürəklə müşahidə olunduğu və ağır olmadığı bildirilir.

Telegramda izləyin