"İt hürər, Kamran keçər"- Ekspertdən SƏRT CAVAB

Bir neçə gün öncə təhsil eksperti Kamran Əsədova məxsus olduğu iddia edilən görüntülər yayılmışdı.

Məsələni dəqiqləşdirmək üçün Sonxeber.az saytı ekspertlə əlaqə saxlayıb.

Kamran Əsədovun sözlərinə görə, araşdırma mərkəzi təyin edib ki, o görüntülər onun adı altında iki mindən çox yerlərdə paylaşılıb:

"Hamısının da altında "nazir müavini", "Təhsil Nazirliyinin eksperti" kimi sözlər yazılıb.

Əslində nələrin baş verdiyini mən çox yaxşı bilirəm (gülür). Son dövrdə məktəblərlə bağlı iki hadisə baş verdi. Bir məşhur atalar sözündə deyildiyi kimi, "hansısa itin ayağını tapdalamışam". Belə deyim: "it hürər, Kamran keçər". Bu sözü hər zaman deyirəm (gülür).

Məktəblərdən yayılan videolarla bağlı paylaşıb problemləri göstərdik.

İki qurum var: məktəblər və Təhsil Nazirliyi yanında İctimai Şura. Mən onların fəaliyyətsizliyi ilə bağlı fikir bildirdikdən sonra başladılar boş-boş şeylər yazmağa.

2019-cu ildə də belə bir hadisə olub. Təhsil Nazirliyində uzun müddət işləyən biri 14 məktəbin direktorlarını çağıraraq mənə qarşı yazılar yazmağı tapşırıb. Bir neçəsi razılaşıb, digərləri etiraz ediblər. Mən də təhlil etdim və kimin necə oldduğu məlum oldu.

Təbii ki, sifariş bəzi məktəb direktorları və ya İctimai Şuradan gəlib. Mən bu barədə yazmışam. Əgər belə olmasa idi, tərəflərdən biri bunun onların işi olmadığını deyərdi.

Əslində dünən onu paylaşanlardan birini müvafiq hüquq mühafizə orqanları vasitəsi ilə dəvət etdim. Həmin adam bunu sifarişlə etdiyini dedi: "Mənə videonu göndəriblər ki, bu tip videoları Kamranın adı ilə maksimum dərəcədə paylaşım, onsuz da çox adam xəbərin başlığını oxuyur".

Mübarizə aparmaq istəyirsinizsə, gəlin ortaya bilik, savad və bacarıqlarımızı qoyaq. Mənə belə vasitə ilə təyziq göstərmək mümkün deyil.

2014-cu ildə də buna cəhd ediblər. Amma bilsinlər ki, mən hər zaman doğruları deyəcəyəm. Siz hələ "sağ ol" deyin ki, mən sizin səhvlərinizi, problemlərinizi göstərirəm.

Mən ailəli adamam. Yoldaşım bu görüntüləri özü də paylaşır və gülür. Sosial şəbəkələrdə kifayət qədər aktivəm. Sabah haqqımda çox söz yaza bilərlər. Necə ki, illər öncə şər atmaq istədilər və bacarmadılar. İndi yenə qabartmaq istəyirlər.

Mən buradayam! Kim nə etmək istəyir etsin. Dünəndən çoxlu gülürəm".

ZAİRA AKİFQIZI

Telegramda izləyin