"Yeni fərman müsbət dəyişiklərə yol açacaq"-Espertdən AÇIQLAMA

Avtobusların gecikmələri, dayanacaqlarda olan monitorların çoxunun işləməməsi, yol həkət qaydalarını tənzimləyən işarələrin dayanacaqların yanında olması, bununla da dayanan avtobusun arxasında olan nəqliyyat vasitəsinin onu görməməsi və BNA-nın digər qüsurları həll olunacaqmı?

Nəqliyyat eksperti Rövşən Həsənov Sonxeber.az-a açıqlamasında bildirir ki, yerində və məqamında verilən bu qərar çoxsaylı qüsurların aradan qaldırılmasına hesablanıb:

"Bir qurumun digərinin tərkibinə verilməsi çox müsbət haldır. Ən azından hər şey optimallaşdırılır. Həm xərclər azalacaq, həm də yol hərəkətinin təşkilindəki çoxsaylı problemlər öz həllini tapacaq.

Məsələn, Bakı Şəhər İcra Hakimiyyəti bir dayanacaq quraşdırır, BNA isə həmin yerdə işıqfor qoyurdu. Bunlar ziddiyyət yaradırdı. Ona görə də bu iki qurumun birgə fəaliyyəti müsbət haldır və uğurlu nəticə verəcək.

Bakı Şəhər İcra Hakimiyyətinin səlahiyyətləri artacaq və bununla kifayət qədər problemləri olan BNA-nın qüsurları da aradan qalxacaq.
Çox güman ki, şikayət və təkliflərə yenə eyni qaydada BNA baxacaq, sadəcə bu dəfə fəaliyət tam təkmilləşdiriləcək.

Xatırladaq ki, Prezident İlham Əliyevin fərmanı ilə Bakı Nəqliyyat Agentliyi Bakı Şəhər İcra Hakimiyyətinin tabeliyinə verilib. Eyni fərmanla "Nəqliyyatın İntellektual İdarəetmə Mərkəzi" Daxili İşlər Nazirliyinin tabeliyinə keçib.

Aygün Osmanlı

Telegramda izləyin