Ermənistanda prezident seçkilərinin vaxtı bəlli oldu

Ermənistanın hakim "Vətəndaş sazişi" fraksiyası artıq martın 3-də prezident seçkilərini təşkil edə bilər.

Sonxeber.az oxu.az-a istinadən məlumat verir ki, martın 1-də Ermənistan parlamentinin növbəti sessiyası öz işinə başlayacaq. Həmin həftə ərzində, daha dəqiqi isə məhz martın 3-də prezident seçkisinin keçirilməsi planlaşdırılır.

Qeyd edək ki, "Vətəndaş" sazişinə namizədi Vaaqn Xaçatryanın seçilməsi üçün 81 səs lazımdır. Parlamentdə isə fraksiya üzvlərinin sayı 71-ə bərabərdir. Hakim partiya bu məsələnin həlli üçün müxalifətə müraciət etsə də, mənfi cavab alıb.

Beləliklə, prezident seçkilərinin böyük ehtimalla ikinci tura saxlanılacağı vurğulanır. Bu zaman V.Xaçatryanın seçilməsi üçün cəmi 64 səs kifayət edəcək. Martın ilk on günlüyündə prezident seçildikdən sonra həmin ayın 15-də prezidentin inauqurasiyasının keçirilməsi nəzərdə tutulur.

Telegramda izləyin