Zelenskidən yeni mesaj: "Qul olmadıq və heç vaxt da olmayacağıq"

Ukrayna prezidenti Vladimir Zelenski yeni açıqlamalar verib.

Sonxeber.az xarici mətbuata istinadən xəbər verir ki, o, Ukrayna ordusunun mühüm bölgələrdə hücumları dəf etdiyini vurğulayıb:

"15-ci gündür ki, dövlətimizi müdafiə edirik. Müqavimət göstəririk. Ukrayna ordusu mühüm bölgələrdə hücumları dəf edir. Ordumuz, Milli Qvardiya, sərhədçilər, polis və döyüşdə iştirak edənlər sayəsində qul olmadıq və heç vaxt da olmayacağıq. Çünki bu bizim ruhumuz, taleyimizdir".

Zelenski Mariupolda xəstəxanaya edilən hücumda biri uşaq olmaqla 3 nəfərin həlak, olduğunu bildirib. Onun sözlərinə görə, dünən 60 mindən çox insan təxliyə edilib.

Aygün Osmanlı

Telegramda izləyin