Şon Penn yenidən Ukraynada

Amerikalı aktyor Şon Penn qaçqınlara dəstək üçün yenidən Ukraynaya gedib. Penn Ukraynanın qərbindəki Lvov şəhərində olduğunu açıqlayıb.

Sonxeber.az xarici mətbuata istinadən xəbər verir ki, qaçqınlara dəstək olmaq üçün assosiasiya proqramlarını dəstəklədiyini deyən Şon Penn Lvov regional administrasiyasının rəhbəri Maksim Kozitski ilə fotosunu paylaşıb.

Pennin yaratdığı assosiasiya Polşaya sığınan ukraynalı qaçqınların yerləşdirilməsi və təhsil almasına dəstək verir.

Penn CNN-ə verdiyi müsahibədə bildirib ki, "Oscar" mərasimində Ukrayna prezidenti Zelenskini hamı ilə danışdırmaq əla fürsət ola bilərdi. Bu baş vermədiyindən Penn onlardan "Oscar"ı boykot etməyi xahiş edib.

Aygün Osmanlı

Telegramda izləyin