Sillələnən Rok ilk dəfə danışdı: "Hələ də hadisəni həzm etməyə çalışıram" - FOTO

Bu il 94-cü dəfə keçirilən "Oscar" mükafatlandırma mərasimində aktyor Vill Smitin həmkarı Kris Roka sillə vurması dünya mətbuatının gündəmini zəbt edib. Mötəbər tədbirdən bir neçə gün keçməsinə baxmayaraq hələ də bütün gözlər ikilinin üzərindədir.

BAKU.WS xəbər verir ki, məlum hadisədən sonra Kris Rok ilk dəfə Los-Ancelesdə kameralara tuş gəlib. Aktyor mühaufizəçiləri ilə birlikdə səhnə alacağı salonlardan birinə girərkən görüntülənib. Jurnalistlərin suallarını cavablandıran sillələnmə səhnəsindən danışıb.

"Mən hələ də bu hadisəni həzm etməyə çalışıram. Bağışlayın, əgər siz buna görə gəlmisinizsə, bilin ki, mən hələ də bu işlə məşğulam".

Qeyd edək ki, amerikalı aktyoru Kris Rok Los Anceles şəhərində keçirilən "Oskar" mərasimi zamanı "Ən yaxşı sənədli film" nominasiyası üzrə namizədləri açıqlayıb. O, çıxış zamanı komediya ustası Vil Smitin həyat yoldaşı Ceyd Pinkett-Smitin "heyranedici, çox qısa saçları" deyərək zarafat edib.

Daha sonra Vill Smit səhnəyə qalxıb və Rokun üzünə sillə vurub. O, sonra kreslosuna qayıdıb, lakin Rok haqqında bir neçə kəlmə deyib. Bu zaman verilişin səsi kəsilib və Smitin sözləri naməlum olaraq qalıb. Rok daha sonra deyib: "Bu, televiziya tarixinin ən möhtəşəm gecəsi idi".

Telegramda izləyin