Bu ölkədə iki ildən çox davam edən fövqəladə vəziyyət LƏĞV OLUNDU

İtaliyada pandemiya ilə əlaqədar hökumət tərəfindən 30 yanvar 2020-ci ildə tətbiq edilən və dəfələrlə uzadılan fövqəladə vəziyyət başa çatıb.

Respublikada koronavirusa qarşı tətbiq edilən tədbirlərin əksəriyyəti gündəlik on minlərlə yeni yoluxma sayına baxmayaraq, aprelin 1-dən etibarən ləğv edilib.

Demək olar ki, ölkənin hər yerində, o cümlədən iş yerlərində tələb olunan peyvənd sertifikatı ləğv edilib.

Xəstələrlə təmasda olanlar üçün karantin ləğv edilir. İzolyasiya yalnız koronovirus testi müsbət çıxanlar üçün məcburi olacaq, peyvənd edilmişlər bir həftə, peyvənd olunmayanlar isə 10 gün karantində qalmalıdırlar.

Aprelin 30-dək qapalı yerlərdə maska ​​taxmaq məcburi olacaq. İtaliyada müxtəlif kateqoriyalı vətəndaşlara tətbiq edilən məcburi peyvənd ilin sonuna qədər yalnız tibb işçiləri üçün qüvvədə qalacaq./Oxu.az

Telegramda izləyin