Burada balıqlar 100 ildən çox yaşayır - Sirli Mariana çuxuru - VİDEO

Marian çuxuru Yer kürəsində məlum olan ən dərin nöqtədir.

Sonxeber.az-ın məlumatına görə, çökəklik Sakit okeanda, Quam adasının cənub-qərbində, Yaponiya və İndoneziya arasında, hər iki ölkədən təxminən bərabər məsafədə yerləşir.

Son hesablamalara görə, onun ən dərin nöqtəsi təxminən 10.994 metr, uzunluğu 2542 kilometr, eni isə 69 kilometrdir.

"Challenger deep" kimi də tanınan təbii formasiya Sakit okean və Mariana plitəsinin toqquşması nəticəsində əmələ gəlib və iki plitə sərhədində yerləşir.

Kütləsi 1 kiloqram olan metal parçası suya atılan zaman dibə çatması təxminən 1 saat çəkir. Dibdəki təzyiq yerdəki təzyiqdən təxminən 1000 dəfə yüksəkdir.

Qeyd edək ki, Mariana xəndəyində həyat əlamətləri var. Tədqiqatlar nəticəsində həddindən artıq təzyiq və soyuq mühitlərdə yaşaya bilən bir çox mikroorqanizm, balıq və xərçəng növləri aşkarlanıb.

Bu qədər dərinlikdə yaşayan balıq növlərinin həyatı yüzlərlə il çəkə bilər. Buradakı canlıların qədim tarixdən əvvəlki dövrlərdən bəri eyni qaldığı düşünülür.

Mariana xəndəyinə ilk eniş edənlər isveçrəli alim Jak Pikar və ABŞ Hərbi Dəniz Qüvvələrinin leytenantı Donald Uolş olub. Onlar 1960-cı ildə 5 saatlıq dalış nəticəsində təxminən 12.000 metr dərinliyə çatıblar.

Aysel SƏFƏRZADƏ

Telegramda izləyin

instagramda izləyin