Rusiya bu dövlətləri qeyri-dost ölkələr siyahısından çıxara bilər

Federasiya Şurasının Beynəlxalq Əlaqələr Komitəsinin sədr müavini Andrey Klimov münasibətlərin qurulması və dəymiş zərərin ödənilməsi halında bəzi dövlətlərin qeyri-dost ölkələr siyahısından çıxarılmasını məntiqli adlandırıb.

Bu barədə o, Teleqram kanalında yazıb.

"Yalnız bu halda Moskvaya sədaqətlərini praktiki surətdə sübut edəcək və 2014-cü ildən bəri Rusiyaya vurduqları real zərəri ağlabatan müddətdə bizə kompensasiya edəcək dövlətləri qeyri-dost ölkələr siyahısından çıxarmaq məntiqli olardı", - Klimov bildirib.

O, həmçinin Finlandiya və İsveçə xəbərdarlıq edib ki, əgər onlar NATO-ya qoşulsalar, "de-yure Rusiya Federasiyası ilə müharibənin ortağı olacaqlar". Onun sözlərinə görə, Rusiya tərəfinin "heç kimi və heç nəyi bağışlaya və "unuda" bilməyəcəyini" anlamasının vaxtı çatıb.

Bundan əvvəl Rusiya prezidenti Vladimir Putin Rusiya banklarına müştəriləri və əməliyyatları haqqında məlumatların Rusiyaya, onun vətəndaşlarına və ya təşkilatlarına qarşı sanksiyalar tətbiq edən ölkələrin dövlət qurumlarına göndərilməsini qadağan edən qanun imzalayıb.

Telegramda izləyin

instagramda izləyin