"Rusiyanın Ermənistana təsiri böyükdür" - Aydın Hüseynov

İyunun 24-ü Rusiya xarici işlər naziri Sergey Lavrov Azərbaycana səfər edib. O, səfər çərçivəsində Azərbaycanın xarici işlər naziri Ceyhun Bayramovla görüşüb. Bu görüş Azərbaycan-Rusiya-Ermənistan münasibətlərinə necə təsir edə bilər?

Bununla bağlı Sonxeber.az-a açıqlama verən Milli Məclisin deputatı Aydın Hüseynov bildirib ki, Rusiyanın Ermənistana təsiri böyükdür və sərhədlərin delimitasiyasında ona təsir edə bilər:

"Azərbaycan və Ermənistan münasibətlərində bəyannamədə Rusiyanın da rolu var. 10 noyabr bəyannaməsi Azərbaycan, Rusiya prezidentləri və Ermənistan baş nazirinin arasında imzalanıb. Ermənistan imza atdığı bu sənəddən irəli gələn məsələlərin həllində o qədər də maraqlı deyil. Xüsusilə sərhədlərin delimitasiyasını uzadır.

Mən hesab edirəm ki, Lavrovun Azərbaycana gəlişi bu prosesdə Ermənistana təsir edə bilər. Hər birimizə məlumdur ki, Rusiyanın Ermənistana təsiri daha böyükdür. Digər tərəfdən Ermənistanda revanşist qüvvələr var. Onlar hesab edir ki, bu prosesi uzatmaqla nəyəsə nail ola bilərlər. Dünən Prezident İlham Əliyevin Kəlbəcər və Laçında dediyi sözlər Ermənistana son xəbərdarlıq idi. Rusiya və Azərbaycan arasındakı münasibət öz müsbət təsirini həmişə verib. Bundan sonra da Rusiya və Azəbaycan arasındakı münasibətinlərdəki dinamiklik özünü qoruyub saxlayacaq".
Şəbnəm Lətifi

Telegramda izləyin