"Twitter"dən İlon Maskla bağlı AÇIQLAMA

"Twitter" sosial media şirkəti "Tesla" və "SpaceX"in baş direktoru İlon Maskın təxminən 44 milyard dollarlıq alış müqaviləsini ləğv etmək qərarının "etibarsız və ədalətsiz" olduğunu bildirib.

Sonxeber.az BiG.AZ-a istinadən xəbər verir ki, "Twitter"in vəkili Uilyam Savittin 10 iyul tarixində Maskın vəkili Mayk Ringlerə məsələ ilə bağlı yazdığı məktubu ABŞ Qiymətli Kağızlar və Birja Komissiyasına təqdim edib.

Sözügedən məktubda Maskın müqaviləni ləğv etməsinin "etibarsız və ədalətsiz" olduğu, yəni müqavilə üzrə öhdəliklərin rədd edildiyi bildirilib və "Twitter"in müqavilədən irəli gələn heç bir öhdəliyini pozmadığı vurğulanaraq müqavilənin etibarlı olduğu yazılıb.

Qeyd edək ki, Maskın 44 milyard dollarlıq alış müqaviləsini ləğv etmək qərarından sonra, həftənin ilk ticarət günündə "Twitter" səhmləri kəskin ucuzlaşıb. Nyu-York birjasında TWTR simvolu ilə ticarət edən şirkətin səhmlərindəki itki 11 faizi ötüb.

Daha öncə İlon Mask bir çox məqalə pozuntusunu əsas gətirərək, "Twitter" sosial media şirkətini almaq barədə müqaviləni ləğv edib.

Təqdim edilən ərizədə Maskın vəkilləri "Twitter"in şirkətin biznes əməliyyatları üçün kritik əhəmiyyət kəsb edən platformada saxta və ya spam hesablar haqqında çoxsaylı məlumat sorğularına cavab vermədiyini və ya cavab verməkdən imtina etdiyini bildiriblər.

Bildirişdə qeyd olunub ki, "Twitter" müqavilənin bir çox şərtlərini ciddi şəkildə pozub, eləcə də yalan və yanlış açıqlamalar verib.

Telegramda izləyin