"Rus sektorunun ləğvi Rusiya-Azərbaycan münasibətlərində problem yarada bilər"- Ceyhun Məmmədov

Azərbaycanda rus dilində təhsil dövlət hesabına maliyyələşdirilir. Ermənistanda isə rus sektoru dövlət məktəblərində deyil, sadəcə özəl məktəblərdə fəaliyyət göstərir. Azərbaycanda da dövlət məktəblərində rus sektoru ləğv oluna bilərmi?
Bununla bağlı Sonxeber.az-a açıqlama verən Milli Məclisin deputatı, Elm və təhsil komitəsinin üzvü Ceyhun Məmmədov bildirib ki, dövlət məktəblərində rus dilində təhsilin ləğv olunması Azərbaycanda rus dilinin sıxışdırılması kimi qiymətləndirilə bilər:
"Dövlət məktəblərində rus dilində təhsilin olması siyasi məsələdir. Mən hesab edirəm ki, hazırkı dönəmdə bu, doğru qərardır. Əvvəlki dövrlə müqayisədə rus dili o qədər də geniş istifadə olunmur. Valideynlər övladlarını rus dilinə yönəltməyə çox çalışırlar, amma bu, kütləvi deyil.Digər ölkələrlə münasibətlər, bölgədə baş verən proseslər fonunda bu məsələyə baxmaq lazımdır. Ölkə rəhbəri İlham Əliyev də dəfərlərlə bu məsələyə toxunub. Rus dilini dövlət məktəblərində ləğv etsək, bu, rus dilinin sıxışdırılması kimi qiymətləndirilə bilər. Rus sektoru əvvəldən mövcud olub və bu gün də davam etməsi normaldır. Belə bir qərarın qəbul edilməsi Rusiya-Azərbaycan münasibətlərində problem yarada bilər. Bu məsələni zamanın öhdəsinə buraxmaq lazımdır, zamanla öz həllini tapacaq".

Şəbnəm Lətifi

Telegramda izləyin