Bəs sən hansı xarakter tipinə aidsən? - Temperament növləri

Temperament – insanın elə bir anadangəlmə xüsusiyyətləridir ki, onlar intensivliyin, təsirə cavab vermə sürətinin dinamik xarakteristikalarının emosional qıcıqlanma və tarazlıq dərəcəsini, ətraf mühitə uyğunlaşma xüsusiyyətlərini şərtləndirir.

"Temperament" sözünün latın dilində hərfi tərcüməsi "hisslərin lazımi qarşılıqlı nisbəti" deməkdir. Yunan həkimi Hippоkratin (V-IV əsr) yanaşmasında bildirilir ki, "temperament" dedikdə insanın həm fərdi anatоmik-fiziоlоji, həm də psiхоlоji хüsusiyyətləri nəzərdə tutulur.

Temperament tiplərinə Hippokratın verdiyi sanqvinik, хоlerik, fleqmatik və melanхоlik adları ilə müasir psiхоlоgiya indi də işlənilməkdədir.

BiG.AZ oxuculara bu tiplərin hər biri haqqında qısa məlumat vermək istəyir.

Sanqvinik

Mimikaları, hərəkətləri canlı və ifadəli olur. Hər yeni işə dərhal girişir, sürətli nitqə sahib olurlar. Düşdüyü yerə tez uğunlaşır, tez sevinib, tez də kədərlənirlər. Həmişə harasa tələsirlər. Yanlız bu an üçün yaşayırlar. Asanlıqla bir işdən digərinə keçirlər. Tez öyrənir və bacarıqları bərpa edir, çox enerjili və səmərəli olurlar. Sanqvinik insanlar çox vaxt lider olurlar.

Xolerik

Tez özlərindən çıxan, hövsələsiz, inadkar, dözümlü olurlar. Eyni zamanda kəmhövsələdirlər. Maraqları sabit və davamlıdır.
Başladıqları işi axıra qədər yerinə yetirməyə meyilli olurlar. Müvazinətsiz olurlar.

Fleqmatik

Sakit, səbirli, az danışan olurlar. Özlərini sakit aparırlar. Həddən artıq soyuqqanlı olurlar. Təkliyi sevirlər, yeni adamlara gec alışırlar. Onlarda plastiklik aşağı olur. Dözümlü və özlərini ələ ala biləndirlər. Onlarda asanlıqla özlərindən çıxma halları müşahidə olunmur.

Melanxolik

Bu tip insanlar həssas olurlar. Onlara hər şey toxunur, hər şeydən inciyirlər. Özlərinə tənqidi yanaşırlar. Onlar tez çökür, tez həyatdan bezirlər. Hədsiz dərəcədə küsəyəndirlər. Səsləri zəif, hərəkətləri süstdür. Bəzən gücləri çatan işi belə, axıra qədər yerinə yetirmirlər.

Nəzərə almaq lazımdır ki, temperamentin təmiz bir tipinə malik olan adam tapmaq çətindir. Hər bir adamda bu tiplərin hamısının əlamətlərinə rast gəlmək mümkündür. Lakin bunlardan birinin əlamətləri üstünlük təşkil etdikdə adamı həmin tipə aid edirlər.

Telegramda izləyin