Müharibə veteranlarına güzəştli ipoteka krediti vermək təklif edilib

"Təklif edirəm ki, müharibə veteranları güzəştli ipoteka krediti ala bilən insanlar kateqoriyasına aid edilsin".

Sonxeber.az xəbər verir ki, bunu Milli Məclisin bu gün keçirilən plenar iclasında deputat Aqiyə Naxçıvanlı deyib.

Bundan başqa, deputat müharibə veteranları və onların övladlarının təhsil haqlarından tam azad olunmasa da, müəyyən güzəştlər tətbiq edilməsini təklif edib.

A.Naxçıvanlı xatırladıb ki, hazırda şəhid və qazi olmuş 1-ci qrup əlillərinin övladları təhsil haqlarından azaddır.

"Habelə, dövlət qulluğuna qəbul olunmaq üçün DİM-də imtahanlarında yüksək bal toplayan müahribə iştirakçıları, o cümlədən şəhid övladları 2-ci mərhələdən azad edilsin" - o, əlavə edib.

Telegramda izləyin