"4 gün davam edən aksiyada soydaşlarımız Rusiya sülhməramlılarına əsl vətənpərvərlik dərsi keçir" - DEPUTAT

"Artıq 4 gündür ki, ekofəallar, vətəndaş cəmiyyəti üzvlərinin və jurnalistlərin iştirakı ilə Qarabağda faydalı qazıntı yataqlarının qanunsuz istismarı əleyhinə Şuşa-Xankəndi yolunda etiraz aksiyası keçirilir".

Bunu Sonxeber.az-danışan deputat İqbal Məmmədov bildirib.

Deputat qeyd edib ki, soyuq havaya baxmayaraq, etiraz aksiyasında iştirak edənlər haqq mübarizələrini davam edirlər:

"Hazırda minlərlə azərbaycanlı aksiyaya qoşularaq Rusiya sülhməramlılarının qanunsuz əməllərinə "dur" demək istəyir. İllərdir ki, erməni barbarları soydaşlarımızı qoca, cavan, uşaq demədən vəhşicəsinə qətlə yetirib, mədəniyyət, tarixi abidələrimiz dağıdıb, təbii sərvətlərimizi talan edir və ekologiyamıza bərpası mümkün olmayan zərərlər vururlar.

2020-ci ilin sentyabrın 27-də başlayan və 44 gün davam edən Vətən müharibəsində Ali Baş Komandan İlham Əliyevin rəhbərliyi ilə Müzəffər Azərbaycan Ordusu 30 illik işğala son qoyaraq ərazi bütövlüyümüzü bərpa etdi. Elə həmin ilin noyabrın 10-da imzalanan Üçtərəfli bəyanata uyğun olaraq, Rusiya sülhməramlılarının üzərinə erməni terrorçularının Qarabağdan çıxarılması öhdəlikləri qoyulsa da, keçən 2 il ərzində bir müsbət nəticə görmədik. Nəinki erməni terrorçuları Qarabağdan çıxarılmadı, hətta Rusiya sülhməramlıları onlarla əlbir olub təbii sərvətlərlərimizi talan edir, ekologiyamızı məhv edirlər. Azərbaycan tərəfi dəfələrlə Rusiya sülhməramlılarına xəbərdarlıq etsə də, bir nəticə çıxarmadılar və qanunsuz əməllərinə davam etdilər

"Digər vacib məsələ isə Azərbaycan bütün dünya tərəfindən tanınan ərazisinə tam nəzarət etməlidir. Ölkə ərazisində terrorun və talanın davam etdiyi yer qalmamalıdır. Bunun üçün də ermənilərin yaşadığı ərazilərə Rusiya sülhməramlıları ilə yanaşı, həm də Azərbaycanın dövlət orqanları nəzarət etməlidirlər.

Deputat xatırladıb ki, ötən həftə Azərbaycan həmin ərazilərə ekoloji missiya göndərmişdi, amma sülhməramlılar azərbaycanlı jurnalistlərin işinə maneə törədərək, onların danışıqların aparıldığı Xocalı rayonuna girişinə icazə vermədilər:

"Sülhməramlıların bu qanununsuz addımı səbrimizi daşıran son damla oldu. Artıq 4 gündür ki, Şuşa-Xankəndi yolunda keçirilən aksiya davam edir. Günü-gündən də aksiya iştirakçılarının sayı çoxalır. Soydaşlarımız əlisilahlı Rusiya sülhməramlılarına vətənpərvərlik dərsi keçərək torpaqlarımızın bir qarışını güzəştə getmədiyi kimi, təbii sərvətlərimizin talan olunmasına və ekologiyamıza zərər vurulmasına icazə verməyəcəklərini nümayiş etdirirlər. Aksiya biz müsbət nəticə əldə edənə qədər davam edəcək. Aksiya iştirakçıları Ermənistanın müharibə cinayətləri üçün istifadə etdiyi infrastrukturun, o cümlədən Laçın yolunun fəaliyyətinə imkan verməyəcək və məsələ müsbət həllini tapana kimi yoldan çəkilməyəcəklər. Bu gün
aksiya iştirakçıları tələbi Azərbaycanın suveren torpaqlarında bütün dövlət qurumlarmızın, xüsusilə də Daxili İşlər Nazirliyinin, Dövlət Sərhəd Xidmətinin, Dövlət Gömrük Komitəsinin nəzarəti bərpa edilməsi və onların ayrıca nəzarət-buraxılış məntəqələri yaradılmasıdır. 2020-ci il noyabrın 10-da imzalanmış üçtərəfli bəyanatın müddəaları tam icra olunmadığına, Laçın istiqamətində Ermənitanla sərhəddə Azərbaycan Dövlət Sərhəd Xidmətinin, Dövlət Gömrük Komitəsinin ayrıca postları olması mütləqdir. Azərbaycan xalqının tələbi bəllidir. Tələbələr icra edilməyən qədər aksiya davam edəcək. Lazım gələrsə, mən özüm də o aksiyaya qoşulub, oradakı soydaşlarımıza dəstək olmağa hazıram".

Aysel Yusifqızı

Telegramda izləyin