"Azərbaycan-Türkiyə-Türkmənistan münasibətləri strateji müttəfiqlik səviyyəsinə yüksəlib"- Aydın Hüseynov

"Azərbaycan, Türkiyə və Türkmənistanı bir-biri ilə etnik, dini-mədəni köklər və ortaq mənəvi dəyərlər sıx bairləşdirir. Tarixi bağlar üzərində qurulmuş münasibətlərimiz ölkələrimiz arasında iqtisadiyyat, ticarət, nəqliyyat-logistika və digər sahələrdə əməkdaşlığın inkişafı üçün imkanlar yaradır. Son illərdə 3 qardaş ölkə arasında siyasi münasibətlər daha da intensiv xarakter alaraq strateji müttəfiqlik səviyyəsinə yüksəlibdir. Hər üç ölkə beynəlxalq təşkilatlar, o cümlədən BMT, İslam Əməkdaşlıq Təşkilatı, Türk Dövlətləri Təşkilatı, ATƏT və digər təsisatlar çərçivəsində bir-birinə qarşılıqlı dəstək göstərir və əməkdaşlıq edir. Bu, siyasi-iqtisadi, humanitra sahələrdə dinamikanın daha da möhkəmlənməsinə səbəb olmaqdadır".

Bu barədə Sonxeber.az-a danışan Milli Məclisin İqtisadi siyasət, sənaye və sahibkarlıq komitəsini üzvü Aydın Hüseynov bildirib.

Millət vəkili qeyd edib ki, ölkələrimiz arasında iqtisadi dövriyyə də xüsusilə artmaqdadır. "Azərbaycanın qardaş Türkiyə ilə ticarət dövriyyəsi 2022-ci ilin yanvar-oktyabr aylarında 45 faiz artaraq 5 milyard dollara çatıb. Azərbaycandan Türkiyə iqtisadiyyatına 20 milyard dollara yaxın, Türkiyədən Azərbaycan iqtisadiyyatına isə 14 milyard dollara yaxın sərmayə yatırılıb. Eyni zamanda, Türkmənistan ilə ticarət dövriyyəsi 2022-ci ilin ötən 10 ayı ərzində 5 dəfə artıb. Azərbaycan, Türkiyə və Türkmənistan nəqliyyat-logistika sahəsində böyük uğurlara imza atıb. Tərəflər bir çox layihələr icra ediblər ki, bu da öz növbəsində nəqliyyat bağlantıları sahəsində əməkdaşlıq üçün yeni imkanlar açır. Hər üç ölkədə bu sahəyə qoyulan sərmayələr yeni, müasir infrastrukturun yaradılmasına xidmət edir".

A.Hüseynov bildirib ki, dekabrın 14-də Azərbaycan, Türkiyə və Türkmənistanın Dövlət Başçılarının Birinci Üçtərəfli Zirvə Görüşünün keçirilməsi 3 qardaş ölkə arasında siyasi-iqtisadi münasibətlərin daha da inkişafı üçün güclü zənin yaradır:

"Zirvə görüçündə müzakirə edilən mühüm məsələlər Azərbaycan və Türkiyə də daxil olmaqla, türk dövlətləri arasında coğrafi-iqtisadi hədəflər üçün yeni imkanlar açır. Bu prosesdə aktivliyi ilə seçilən Türkmənistan türk dünyasının Mərkəzi Asiyaya, Xəzər üzərindən Cənubi Qafqaza, subregiona və daha geniş əraziyə açılan qapı kimi strateji əhəmiyyətini artıracaq. Türkmənistan, eyni zamanda, Asiya və Avropa arasında yükdaşımalarınınvə logistikaların aparıcı nöqtəsinə çevriləcək. Nəticədə Türk dünyası üçün strateji əhəmiyyət daşıyan "Orta Dəhliz" layihəsi qlobal coğrafiyda strateji və beynəlxaql hüquqi stausunu möhkəmləndirəcək. Səfər çərçivəsində imzalanmış Azərbaycan-Türkiyə-Türkmənistan sənədləri, həmçinin, tərəflər arasında ticari-iqtisadi əməkdaşlıq, elm, təhsil və mədəniyyət, nəqliyyat sahələrində əlaqələrin yeni mərhələyə daxil olmasına təkan verəcəkdir".

Aysel Yusifqızı

Telegramda izləyin