" Ağrı sözlə ifadə olunmazdır" - Zelenski

Ukrayna prezidenti Zelenski Ukraynanın daxili işlər naziri, nazir müavini və müşaviri Denis Monastirskinin öldüyü helikopter qəzası ilə bağlı başsağlığı verib.
Sonxeber.az xəbər verir ki, Zelenski helikopter qəzası ilə bağlı açıqlama verib.
"Bu gün Kiyevin Brovarı rayonunda dəhşətli faciə baş verib. Helikopter qəzaya uğrayıb və yanğın başlayıb. Qəzada həyatını itirənlərin sayı müəyyənləşdirilir. Aralarında Ukraynanın daxili işlər naziri Denis Monastirski, nazirin birinci müavini Yevgeni Yenn, Daxili İşlər Nazirliyinin dövlət katibi Yuri Lubkoviç, onun müavinləri və helikopter heyəti ölüb",- deyə o bəyanat verib.

"Hadisə zamanı 10-u uşaq olmaqla 25 nəfər xəsarət alıb. Bu dəqiqəyə kimi 3 uşaq həyatını itirib. Ağrı sözlə ifadə olunmazdır. Helikopter uşaq bağçalarından birinin ərazisinə düşüb. Ukrayna Təhlükəsizlik Xidmətinə göstəriş vermişəm. Ukrayna Milli Polisi və digər səlahiyyətli qurumlarla əməkdaşlıq edərək, hadisənin bütün şəraitini öyrənəcək" ,- deyə prezident əlavə edib.

Polis ölənlərin sayının 3-ü uşaq olmaqla 18 nəfər olduğunu açıqlayıb.

Şəbnəm Lətifi

Telegramda izləyin